3 Паддзахӕдтӕ 22:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Иосафат ма паддзахӕн ноджы загъта: «Раздӕр уал Дунедарӕджы бафӕрс».

3 Паддзахӕдтӕ 22:5 ပူးပေါင်းရင်းမြစ်များ

3 Паддзахӕдтӕ 22:4

Иосафаты бафарста: «Галаадаг Рамотмӕ бабырсыны фӕнд мӕм ис, ӕмӕ мӕ фарсмӕ ӕрбалӕудзынӕ?» Уый йын дзуапп радта: «Ды кӕдӕм цӕуай, ӕз дӕр — уырдӕм. Дӕ зӕрдӕ дар мӕ адӕм ӕмӕ мӕ бӕхӕфсадыл, раст цыма дӕхи сты, афтӕ».

3 Паддзахӕдтӕ 22:6

Израилы паддзах фӕсидти пехуымпартӕм, иу-цыппарсӕдӕ лӕгмӕ, ӕмӕ сӕ бафарста: «Галаадаг Рамоты ныхмӕ схӕцон ӕви нӕ?» «Схӕц, — дзуапп ын радтой уыдон, — Дунедарӕг дын ӕй дӕ къухтӕм ратдзӕн».

4 Паддзахӕдтӕ 1:3

Дунедарӕджы зӕд тишбийаг Илийайӕн загъта, цӕмӕй самариаг паддзахы минӕвӕрттӕн сӕ размӕ ацӕуа ӕмӕ сын зӕгъа: «Израилы зӕххыл Хуыцау нӕй, ӕви? Цӕмӕн цӕут Екроны хуыцау Баал-Зевувы фӕрсынмӕ?

4 Паддзахӕдтӕ 3:11

Иосафат бафарста: «Дунедарӕджы пехуымпартӕй ам исчи ис? Дунедарӕджы нын бафӕрсӕд». Израилы паддзахы дӕлдӕртӕй йын иу дзуапп радта: «Шафаты фырт Елисей ам ис, Илийайӕн ӕдзух кӕстӕриуӕг чи кодта, уый».

1 Азфыстытӕ 10:13

Афтӕ фӕмард ис Саул, Дунедарӕгыл иузӕрдион кӕй нӕ разынд, уый тыххӕй. Йӕ дзырдмӕ Йын нӕ байхъуыста, суанг ма бафарста мӕрдтӕмсидӕджы дӕр,

Йеремиа 21:2

«Дунедарӕгӕн мах тыххӕй балӕгъстӕ кӕн, уымӕн ӕмӕ Вавилоны паддзах Навуходоносор нӕ ныхмӕ схӕцыди. Чи зоны, ӕмӕ нын Дунедарӕг, раздӕры заман куыд уыдис, афтӕ ӕмбисонды хъуыддаг сараза, ӕмӕ Навуходоносор ардыгӕй йӕхи айса».

Езекиел 14:3

«Адӕймаджы фырт! Ацы адӕм сӕ зӕрдӕ сӕ гуымирытӕн куы снывонд кодтой, фыдракӕндтӕ аразыныл сӕ чи ӕфтауы, уыдоны сӕ рӕбинаг куы бакодтой, уӕд ма сын Ӕз цавӕр дзуапп хъуамӕ раттон?

Нымӕцтӕ 27:21

Ӕмӕ-иу бацӕуӕд уый сауджын Елеазары размӕ, цӕмӕй йын уый уримы фӕрцы Дунедарӕджы бафӕрса. Дунедарӕджы ныхасмӕ гӕсгӕ цӕудзысты фӕндагыл, Дунедарӕджы ныхасмӕ гӕсгӕ здӕхдзысты фӕстӕмӕ — Йешуа ӕмӕ ӕппӕт израилӕгтӕ, ӕгас дзыллӕ».

Нуны фырт Йешуа 9:14

Израилӕгтӕ сын сӕ фӕндаггӕгтӕм ӕркастысты, фӕлӕ Дунедарӕджы нӕ бафарстой, афтӕмӕй сын сӕ хойрагӕй сахуыстой.

Фӕтӕгтӕ 1:1

Йешуайы мӕлӕты фӕстӕ израилӕгтӕ Дунедарӕджы бафарстой: «Ханааны ныхмӕ хӕцынмӕ нӕ чи акӕндзӕн?»

Фӕтӕгтӕ 20:18

Израилӕгтӕ Вефилы сахармӕ ӕрбацыдысты ӕмӕ Хуыцауы бафарстой: «Бениамины мыггаджы ныхмӕ нӕ хӕстмӕ чи акӕндзӕн?» Дунедарӕг сын дзуапп радта: «Иудӕ ацӕудзӕни уӕ разӕй».

Фӕтӕгтӕ 20:23

Ацыдысты ӕмӕ изӕрмӕ Дунедарӕджы раз фӕкуыдтой, стӕй Йӕ бафарстой: «Хӕцӕм ма дарддӕр Бениамины мыггагимӕ, не ’фсымӕртимӕ?» Дунедарӕг сын дзуапп радта: «Хӕцут!»

Фӕтӕгтӕ 20:29

Уӕд израилӕгтӕ Гевӕйы алыварс бабадтысты.

1 Паддзахӕдтӕ 14:18

Саул Ахийайӕн загъта: «Ӕрбахӕсс-ма Хуыцауы Фидыды Чырын». Уымӕн ӕмӕ уыцы заман Фидыды Чырын израилӕгтӕм уыди.

1 Паддзахӕдтӕ 23:2

Уӕд Давид Дунедарӕджы бафарста: «Ацӕуон ӕмӕ уыцы филистимӕгты басӕттон?» Дунедарӕг ын дзуапп радта: «Ацу, филистимӕгты басӕтт ӕмӕ Кеилайы сахар ссӕрибар кӕн».

1 Паддзахӕдтӕ 23:4

Давид та ногӕй бафарста Дунедарӕджы, ӕмӕ йын Дунедарӕг дзуапп радта: «Ныццу Кеиламӕ, филистимӕгты дын дӕ къухтӕм дӕттын».

1 Паддзахӕдтӕ 30:8

ӕмӕ Давид Дунедарӕджы бафарста: «Уыцы абырджыты фӕсте асурон? Баййафдзынӕн сӕ?» Дунедарӕг ын загъта: «Асур сӕ! Ӕнӕмӕнг сӕ баййафдзынӕ ӕмӕ дӕ адӕмы суӕгъд кӕндзынӕ».