3 Паддзахӕдтӕ 1:9 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁹ Иу бон Адониа Ен-Рогелы донгуырӕнмӕ ӕввахс, Зохелеты дур, зӕгъгӕ, уыцы бӕрӕг бынаты цур скодта куывд. Аргӕвдын кодта фыстӕ, стуртӕ ӕмӕ хӕрзхаст уӕнгуытӕ ӕмӕ фӕхуыдта йе ’ппӕт ӕфсымӕрты дӕр, паддзахы фыртты, стӕй, иудейӕгтӕй паддзахы кӕрты чи лӕггад кодта, уыдон.

3 Паддзахӕдтӕ 1:9 ပူးပေါင်းရင်းမြစ်များ

2 Паддзахӕдтӕ 17:17

Йонатан ӕмӕ Ахимаац лӕууыдысты Ен-Рогелы доны цур. (Сахары сын сӕхи равдисӕн нӕ уыд.) Ӕнхъӕлмӕ кастысты сӕ хабархӕссӕг унӕутмӕ, цӕмӕй йын йӕ ныхӕстӕ Давидыл сӕмбӕлын кӕной.

3 Паддзахӕдтӕ 1:19

Бирӕ галтӕ, хӕрзхаст уӕнгуытӕ ӕмӕ фыстӕ акусарт кодта ӕмӕ дын йӕ куывдмӕ фӕхуыдта де ’ппӕт фыртты дӕр, стӕй сауджын Авиафар ӕмӕ ӕфсады хицау Йоавы, ӕрмӕст дын дӕ фырт Соломоны нӕ фӕхуыдта.

3 Паддзахӕдтӕ 1:25

Абон уый ацыд ӕмӕ бирӕ кусӕрттӕгтӕ аргӕвста: галтӕ, хӕрзхаст уӕнгуытӕ ӕмӕ фыстӕ. Йӕ куывдмӕ дын де ’ппӕт фыртты дӕр фӕхуыдта, стӕй ӕфсады хицау Йоавы ӕмӕ сауджын Авиафары. Уым иууылдӕр цӕл кӕнынц, нуазынц ӕмӕ сидынц: „Ӕгас цӕуӕд паддзах Адониа!“

Ӕмбисӕндтӕ 15:8

Дунедарӕг ӕнӕхуыцӕутты нывӕндтыл ӕлгъ кӕны, рӕстуды куывд ын ӕхсызгон у.

Матфей 22:4

Ноджы арвыста ӕндӕр цагъарты ӕмӕ сын бафӕдзӕхста афтӕ зӕгъын: „Мӕнӕ ӕз фынгтӕ ӕрӕвӕрдтон, галтӕ ӕмӕ хӕрзхаст фос акусарт кодтон. Алцы дӕр цӕттӕ у, рацӕут чындзӕхсӕвмӕ“.

Нуны фырт Йешуа 15:7

стӕй Ахоры тъӕпӕнӕй схызти Девирмӕ, цӕгатӕрдӕм фӕзылди Гилгалмӕ (уый та ис Хуыскъададжы хуссарварсы Адуммимы хӕрды акомкоммӕ). Дарддӕр арӕн ацыд Ен-Шемешы донгуырӕны ’рдӕм ӕмӕ бахӕццӕ Ен-Рогелы донгуырӕнмӕ.

Нуны фырт Йешуа 18:16

Уырдыгӕй арӕн ӕрхызти Хинномы фырты дӕлвӕзы акомкоммӕ ӕмӕ, Рефаимы дӕлвӕзы цӕгатварс цы хох ис, уый фахсмӕ. Стӕй Хинномы дӕлвӕзыл ӕрхызти йевусӕгты къуылдымы хуссарварсмӕ ӕмӕ фӕуырдыг кодта Ен-Рогелы донгуырӕнмӕ.