2 Паддзахӕдтӕ 8:18 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁸ Йеходайы фырт Бенайа разамынд лӕвӕрдта керетӕгтӕ ӕмӕ пелетӕгтӕн, Давиды фырттӕ уыдысты сауджынтӕ.

2 Паддзахӕдтӕ 8:18 ပူးပေါင်းရင်းမြစ်များ

2 Паддзахӕдтӕ 15:18

Йӕ адӕм ӕмхуызонӕй, се ’хсӕн — керетӕгтӕ ӕмӕ пелетӕгтӕ, цыдысты йӕ фарсмӕ; Гатӕй йемӕ цы ӕхсӕзсӕдӕ гатаджы рацыди, уыдон та иууылдӕр цыдысты йӕ разӕй.

2 Паддзахӕдтӕ 20:23

Йоав уыди ӕгас Израилы ӕфсады хицау, Йеходайы фырт Бенайа — керетӕгтӕ ӕмӕ пелетӕгты хицау,

2 Паддзахӕдтӕ 20:26

иаираг Ира дӕр уыди Давиды сауджын.

2 Паддзахӕдтӕ 20:7

Йоавы адӕм, керетӕгтӕ ӕмӕ пелетӕгтӕ, се ’ппӕт дӕр — гуыппырсартӕ, Авишай сӕ сӕргъы, афтӕмӕй феггуырстысты Йерусалимӕй ӕмӕ Бихрийы фырт Савейы фӕдыл афӕдис кодтой.

3 Паддзахӕдтӕ 1:38

Сауджын Цадок, пехуымпар Натан ӕмӕ Йеходайы фырт Бенайа, стӕй керетӕгтӕ ӕмӕ пелетӕгтӕ ацыдысты, Соломоны паддзах Давиды хӕргӕфсыл сбадын кодтой ӕмӕ йӕ акодтой Гихонмӕ.

3 Паддзахӕдтӕ 1:44

Йӕ хӕргӕфсыл ӕй сбадын кӕнын кодта ӕмӕ йын йемӕ Гихоны доны онг арвыста сауджын Цадокы, пехуымпар Натаны, Йеходайы фырт Бенайайы, стӕй керетӕгтӕ ӕмӕ пелетӕгты. Уым ӕй сауджын Цадок ӕмӕ пехуымпар Натан байсӕрстой, ӕмӕ сси нӕ паддзах. Уӕд уырдыгӕй цингӕнгӕ рараст сты фӕстӕмӕ, ӕмӕ сахар ӕмызмӕлд сси. Ныр дӕр уыцы уынӕр уайы уӕ хъустыл.

3 Паддзахӕдтӕ 1:8

Ӕрмӕст сауджын Цадок, Йеходайы фырт Бенайа, пехуымпар Натан, Шими, Реи, стӕй Давиды ӕхсарджынтӕ Адониайы фарс нӕ рахӕцыдысты.

3 Паддзахӕдтӕ 2:25

Паддзах Соломон ӕм арвыста Йеходайы фырт Бенайайы, ӕмӕ йӕ уый амардта.

3 Паддзахӕдтӕ 4:4

Йеходайы фырт Бенайа — ӕфсады хицау; Цадок ӕмӕ Авиафар — сауджынтӕ;

3 Паддзахӕдтӕ 4:5

Натаны фырт Азариа — уллуты хицау; Натаны фырт Завуд, сауджын — паддзахӕн йӕ уынаффӕйы лӕг;

4 Паддзахӕдтӕ 11:4

Ӕвдӕм аз куы ралӕууыд, уӕд сауджын Йехода паддзахы сӕдӕйыхицӕуттӕм ӕмӕ галуан хъахъхъӕнджытӕм фӕдзырдта. Йӕхимӕ сӕ Дунедарӕджы Кувӕндонмӕ ӕрбакодта, семӕ бафидыдта, ног паддзахыл иузӕрдион кӕй уыдзысты, уый тыххӕй сын ард бахӕрын кодта ӕмӕ сын паддзахы фырты равдыста.

1 Азфыстытӕ 11:22

Кавцеелы сахайраг Йеходайы фырт бӕгъатыр Бенайа зындгонд у йӕ бирӕ хъуыддӕгтӕй. Уый амардта моаваг дыууӕ домбай хӕстоны. Иуахӕмы та, мит уарыд, афтӕмӕй къардиумӕ ныххызти дон схӕссынмӕ, домбайыл дзы бамбӕлдис ӕмӕ йӕ уыцы ран ӕрбамардта.

1 Азфыстытӕ 18:17

Йеходайы фырт Бенайа разамынд лӕвӕрдта керетӕгтӕ ӕмӕ пелетӕгтӕн. Давиды фырттӕ уыдысты паддзахады фыццаг лӕгтӕ.

Езекиел 25:16

уый тыххӕй Дунедарӕг Хуыцау афтӕ зӕгъы: Мӕ къух сисдзынӕн филистимӕгтӕм — уыцы керетӕгтӕм, стӕй ма сӕ денджызгӕрӕтты чидӕриддӕр баззад, уыдоны се ’ппӕты дӕр ныццӕгъддзынӕн.

Софониа 2:5

Додой уӕ къона, фурды был цӕрджытӕ, критӕгтӕ! О Ханаан, филистимӕгты зӕхх! Дунедарӕг дын рахаста тӕрхон: «Фесафдзынӕн дӕ, иунӕг цӕрӕг дыл нал баззайдзӕн!

1 Паддзахӕдтӕ 30:14

Мах бабырстам Негевмӕ — керетӕгты, Иудӕ ӕмӕ Калевы зӕххытӕм — ӕмӕ Циклагыл арт бафтыдтам».