2 Паддзахӕдтӕ 5:18 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁸ Филистимӕгтӕ ссыдысты ӕмӕ Рефаимы дӕлвӕз бацахстой.

2 Паддзахӕдтӕ 5:18 ပူးပေါင်းရင်းမြစ်များ

Райдиан 14:5

Цыппӕрдӕсӕм аз Кедорлаомер йе ’мцӕдисон паддзӕхтимӕ ӕрцыд, ӕмӕ рефаимты ныддӕрӕн кодтой Аштерот-Карнаимы, зузӕгты — Хамы, емимӕгты — Шаве-Кириатаимы,

2 Паддзахӕдтӕ 23:13

Дӕс ӕмӕ ссӕдз фӕтӕгӕй ӕртӕ Адулламы лӕгӕтмӕ Давидмӕ ныццыдысты хуымгӕрдӕнафон. Уӕд филистимӕгты рӕсӕнуат Рефаимты дӕлвӕзы уыд.

2 Паддзахӕдтӕ 5:22

Филистимӕгтӕ та ногӕй ссыдысты ӕмӕ Рефаимы дӕлвӕз бацахстой.

1 Азфыстытӕ 11:15

Дӕс ӕмӕ ссӕдз фӕтӕгӕй ӕртӕ Адулламы лӕгӕтмӕ Давидмӕ ныццыдысты къӕдзӕхрӕбынмӕ. Уӕд филистимӕгты рӕсӕнуат Рефаимты дӕлвӕзы уыд.

Исайа 17:5

Уыцы заман уыдзӕни тыллӕгӕфснайӕнтау: хуымгӕрдӕг бафснайы йӕ хортӕ, ӕмӕ уый фӕстӕ Рефаимы дӕлвӕзы мӕгуыртӕ ӕруидзынц, цы иугай ӕфсиртӕ ма дзы аззайы, уыдон.

Нуны фырт Йешуа 15:8

Дарддӕр ахызт йевусӕгты (ома Йерусалимы) къуылдымыл, хуссарварс Хинномы фырты дӕлвӕзыл, ӕмӕ схызти, Хинномы дӕлвӕзы ныгуылӕнӕрдыгӕй цы хох ис, уый сӕрмӕ (уыцы хох лӕууы Рефаимы дӕлвӕзы цӕгатварс).

Нуны фырт Йешуа 17:15

Йешуа сын дзуапп радта: «Кӕд афтӕ сбирӕ стут, ӕмӕ уын Ефремы хӕхбӕстӕ скъуындӕг ис, уӕд марадзут, хъӕдбӕстӕм балидзут ӕмӕ уым периззӕгтӕ ӕмӕ рефаимты зӕххыл уӕхицӕн бынат ӕрсыгъдӕг кӕнут».

Нуны фырт Йешуа 18:16

Уырдыгӕй арӕн ӕрхызти Хинномы фырты дӕлвӕзы акомкоммӕ ӕмӕ, Рефаимы дӕлвӕзы цӕгатварс цы хох ис, уый фахсмӕ. Стӕй Хинномы дӕлвӕзыл ӕрхызти йевусӕгты къуылдымы хуссарварсмӕ ӕмӕ фӕуырдыг кодта Ен-Рогелы донгуырӕнмӕ.