2 Паддзахӕдтӕ 3:34 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³⁴ Дӕ къухтӕ баст дӕр куы нӕ уыдысты, дӕ къӕхтыл хъадамантӕ дӕр куы нӕ уыд; фыдгӕнджыты къухӕй чи амӕлы, уыйау куыд бабын дӕ!» Ӕмӕ йыл дзыллӕ ноджы тынгдӕр ныккуыдтой.

2 Паддзахӕдтӕ 3:34 ပူးပေါင်းရင်းမြစ်များ

2 Паддзахӕдтӕ 1:12

Ӕмӕ хъарджытӕ кодтой, дзынӕзтой ӕмӕ ком дардтой изӕрмӕ, карды амӕттаг чи баци, уыдоныл: Саулыл, Саулы фырт Ионатаныл ӕмӕ Дунедарӕджы ӕфсадыл, Израилы адӕмыл.

2 Паддзахӕдтӕ 3:33

Авнерыл паддзах ахӕм хъарӕг скодта: «Ӕнаккаджы адзал цӕмӕн каст уӕддӕр Авнермӕ?

2 Паддзахӕдтӕ 3:35

Фӕстӕдӕр, рухс ма уыди, афтӕмӕй адӕм иууылдӕр Давидмӕ хатыдысты, цӕмӕй исты скомдзаг кӕна. Фӕлӕ Давид ард бахордта: «Афтӕтӕ ӕмӕ уфтӕтӕ, стӕй мын ноджы фыддӕртӕ бакӕнӕд Хуыцау, ӕз хуры аныгуылдмӕ мӕ дзыхмӕ исты куы схӕссон, уӕд!»

Иовы чиныг 24:14

Лӕгмар ӕхсӕвӕй сысты, мӕгуыры ӕмӕ мӕгуыргуры амары, ӕхсӕвыгон та давгӕ кӕны.

Езекиел 32:16

Уӕд скӕндзысты хъарӕг, ӕмӕ-иу уыцы хъарӕг сисдзысты алы адӕмты сылгоймӕгтӕ. Хъарӕг кӕндзысты Мысырыл ӕмӕ йӕ бирӕ адӕмыл, — зӕгъы Дунедарӕг Хуыцау».

Осиа 6:9

Абырджытӕ искӕй размӕ куыд бабадынц, афтӕ Шехеммӕ фӕндагыл сауджынтӕ адӕмы марынц ӕмӕ ӕлгъаг митӕ кӕнынц.

Фӕтӕгтӕ 16:21

Филистимӕгтӕ Самсоны ӕрцахстой ӕмӕ йын йӕ цӕстытӕ скъахтой. Газӕйы сахармӕ йӕ акодтой, ӕрхуы хъадамантӕ йыл бакодтой ӕмӕ йӕ мӕнӕу ссыныл бафтыдтой.