2 Паддзахӕдтӕ 3:27 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁷ Авнер Хевронмӕ фӕстӕмӕ куы баздӕхти, уӕд ӕй Йоав кулдуарӕй фӕмидӕг кодта, цыма йын аивӕй цыдӕр зӕгъынмӕ хъавыд, уый хуызӕн ӕмӕ йын уым йӕ гуыбын барӕхуыста, йе ’фсымӕр Асаелы туг дзы райста.

2 Паддзахӕдтӕ 3:27 ပူးပေါင်းရင်းမြစ်များ

3 Паддзахӕдтӕ 2:5

Ноджы ма дын зӕгъын, — дзырдта дарддӕр Давид, — дӕ зӕрдыл дар, иу хатт мын Церуайы фырт Йоав цы бакуыста, Израилы ӕфсады дыууӕ фӕтӕджы — Неры фырт Авнеры ӕмӕ Йетеры фырт Амасайы — куыд амардта, уый. Фидыды заман ныккалдта туг, цыма хӕсты заман уыд, афтӕ ӕмӕ уыцы тугӕй самӕста йӕ рон ӕмӕ йӕ къахыдарӕс — фӕчъизи кодта йӕ хӕстон намыс.

3 Паддзахӕдтӕ 2:32

Йӕ азым ын Дунедарӕг сӕвӕрӕд йӕхиуыл, уымӕн ӕмӕ мӕ фыды ӕвастӕй карды амӕттаг бакодта йӕхицӕй рӕстагдӕр ӕмӕ хуыздӕр дыууӕ лӕджы: Неры фырт Авнеры — Израилы ӕфсады хицауы ӕмӕ Йетеры фырт Амасайы — Иудейы ӕфсады хицауы.

Йеремиа 41:2

уӕд Нетаниайы фырт Измаел ӕмӕ, йемӕ цы дӕс лӕджы уыди, уыдон ӕвиппайды фестадысты ӕмӕ Ахикамы фырт Гедалиайы, Шафаны фырты фырты, кардӕй барӕхуыстой — Вавилоны паддзах бӕстӕйы хицауӕй кӕй сӕвӕрдта, уый амардтой.

Фӕлхатгонд ӕгъдау 27:24

„Ӕлгъыст фӕуӕд, сусӕгӕй искӕй чи амара!“ Адӕм та иууылдӕр иумӕ зӕгъӕнт: „Аммен!“

Нымӕцтӕ 35:20

Фыддӕрагӕн искӕй чи асхойа кӕнӕ йыл барӕй исты чи фӕкӕна ӕмӕ амара;

2 Паддзахӕдтӕ 3:26

Йоав Давиды разӕй куы рацыди, уӕд йе ’вастӕй Авнеры фӕстӕ йӕ адӕмы арвыста, ӕмӕ йӕ уыдон Сирайы донуаты цурӕй фӕстӕмӕ раздӕхтой.

2 Паддзахӕдтӕ 3:28

Хабар фехъусгӕйӕ, Давид загъта: «Дунедарӕджы раз ӕнустӕм сыгъдӕг дӕн ӕз, ӕмӕ мӕ паддзахад дӕр сыгъдӕг у: мӕ азым нӕй Неры фырт Авнеры тугныккалды.

2 Паддзахӕдтӕ 4:1

Саулы фырт Йевосфет, Авнер Хевроны фӕмард ис, зӕгъгӕ, уый куы фехъуыста, уӕд йе уӕнгтӕ ӕруагъта. Бакатай кодтой Израилы адӕм дӕр.

2 Паддзахӕдтӕ 13:26

Авессалом ма йын загъта: «Уӕд та ме ’фсымӕр Амнон рацӕуӕд немӕ». Паддзах ӕй фӕрсы: «Цӕй тыххӕй хъуамӕ ацӕуа демӕ?»

2 Паддзахӕдтӕ 19:13

Амасайӕн дӕр зӕгъут: „Ды мӕ туг ӕмӕ ме стӕг нӕ дӕ, ӕви? Хуыцау мын афтӕтӕ ӕмӕ уфтӕтӕ, стӕй ноджы фыддӕртӕ бакӕнӕд, цӕрӕнбонтӕм мын Йоавы бӕсты ды ӕфсады хицау куынӕ уай, уӕд!“»

Нымӕцтӕ 35:19

Кӕмфӕнды йыл куы бамбӕла, уӕддӕр тугисӕгӕн йӕ бон у марӕджы амарын.

1 Азфыстытӕ 27:21

Менассиайы хӕдзарвӕндаджы иннӕ ӕмбисӕн, Галаады — Захариайы фырт Иддо; Бениамины байзӕддӕгтӕн — Авнеры фырт Йасиел;

Ӕмбисӕндтӕ 26:26

Йе ’нӕуынондзинад цурон митӕй ӕмбӕхсы, фӕлӕ уӕддӕр йӕ хӕрам адӕмы раз раргом уыдзӕн.