2 Паддзахӕдтӕ 22:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ Мӕ Хуыцау — мӕ айнӕг къӕдзӕх, уым агурын мӕхицӕн ӕмбӕхсӕн. Уый — мӕ уарт, мӕ ирвӕзӕн хох, мӕ фидар гӕнах. Ды — мӕ ирвӕзынгӕнӕг, фыдбылызӕй мӕ бахызтай.

2 Паддзахӕдтӕ 22:3 ပူးပေါင်းရင်းမြစ်များ

Райдиан 15:1

Ацы хабӕрттӕ куы ӕрцыдысты, уый фӕстӕ Дунедарӕг Авраммӕ ӕргом рацыд ӕмӕ йын загъта: «Ма тӕрс, Аврам! Ӕз дӕ хъахъхъӕнын уартау. Стыр уыдзӕни дӕ хӕрзиуӕг».

2 Паддзахӕдтӕ 22:31

Хуыцауы фӕндаг ӕнӕфау ӕмӕ раст у, Йӕ ныхас — сыгъдӕг; йӕ зӕрдӕ йыл чидӕриддӕр дары, уыдонӕн Уый уарт у.

2 Паддзахӕдтӕ 22:47

Цардӕгас у Дунедарӕг, арфӕгонд у мӕ ныфсы къӕдзӕх! Кадджын уӕд Хуыцау — мӕ ирвӕзынгӕнӕг!

2 Паддзахӕдтӕ 22:49

Ды мӕ фервӕзын кодтай ме знӕгтӕй, Дӕ фӕндонӕй фӕуӕлахиз дӕн фыдгултыл, фыдлӕгтӕй фервӕзтӕн Дӕ фӕрцы.

2 Паддзахӕдтӕ 22:51

Ды паддзахӕн стыр уӕлахизтӕ дӕттыс ӕмӕ мыггагмӕ аудыс Де ’взӕрст Давидыл ӕмӕ йӕ байзӕддӕгтыл».

2 Паддзахӕдтӕ 23:3

Израилы Хуыцау загъта, Израилы Къӕдзӕх мын фехъусын кодта: „Рӕстӕй адӕмыл ӕлдариуӕг чи кӕна, Хуыцауӕй тӕрсгӕйӕ сын разамынд чи дӕтта,

Псаломтӕ 140:1

Давиды псалом. О Дунедарӕг, фӕдисхъӕр Дӕм кӕнын, ӕмӕ мӕм ратындз ӕххуысмӕ! Мӕ хъӕлӕс Дӕм фехъуысӕд, куы Дӕм дзыназон, уӕд!

Псаломтӕ 140:4

Уыцы ахъаз мын бакӕн, цӕмӕй мӕ зӕрдӕ ӕнаккаг митӕм ма аздӕха, фыдгӕнджытимӕ ӕмдзӕхдон ма уон ӕмӕ семӕ иу фынгыл ма бадон!

Псаломтӕ 142:4

Мӕ уд мӕ мидӕг бастади, мӕ зӕрдӕ бандзыг ис.

Псаломтӕ 144:2

Ӕрвылбон Дын кад кӕндзынӕн, мыггагмӕ Дын ӕппӕлдзынӕн Дӕ номӕй.

Псаломтӕ 18:2

Уӕлӕрвтӕ Хуыцауы кадыл дзурынц, арвы къӕй ӕвдисӕн у Йӕ хъуыддӕгтӕн!

Псаломтӕ 27:5

Уымӕн ӕмӕ Дунедарӕджы архайдмӕ, Йе ’рмдзӕфмӕ сӕ хъус нӕ дарынц. Уый сӕ ныззыгуым кӕндзӕн, сӕхиуыл схӕцын сӕ нал бауадздзӕн.

Псаломтӕ 28:7

Дунедарӕджы хъӕлӕс арты цӕхӕртӕ рацӕгъды.

Псаломтӕ 3:3

Бирӕтӕ дзурынц мӕнӕй: «Хуыцау ӕй нӕ фервӕзын кӕндзӕн!»

Псаломтӕ 32:7

Уый денджызы дӕттӕ ’рбамбырд кодта лалымау, ӕнӕбын хуыдымты бафснайдта дон.

Псаломтӕ 46:1

Зарӕггӕнджыты къорды разамонӕгӕн. Корахы фыртты псалом.

Псаломтӕ 46:2

Ӕрӕмдзӕгъд кӕнут, ӕппӕт адӕмтӕ, цины хъӕртӕй сыстаут Хуыцауы!

Псаломтӕ 46:7

Кады зарӕг зарут Хуыцауӕн, зарут! Кады зарӕг сисут нӕ Паддзахӕн, сисут!

Псаломтӕ 5:12

Ӕмӕ уӕд ныццин кӕндзысты, Ды йӕ хъахъхъӕнӕг кӕмӕн дӕ, уыдон се ’ппӕт дӕр, фыр цинӕй зардзысты ӕнустӕм, сӕ сӕрхъуызой Ды кӕй дӕ, ууыл. Дӕ ном чи уарзы, уыдонӕн сӕ цины сӕр Ды дӕ.

Псаломтӕ 55:9

Дӕумӕ фыст сты ме ’ппӕт тухӕнтӕ, мӕ цӕссыгтӕ мын Дӕ мигӕнӕны нывӕр, уадз ӕмӕ Дӕ чиныджы уой.

Псаломтӕ 61:3

Ӕрмӕстдӕр Уый у мӕ айнӕг къӕдзӕх, мӕ Ирвӕзынгӕнӕг, мӕ фидар гӕнах — ӕз никуы фӕкӕлдзынӕн.

Псаломтӕ 71:7

йӕ заманы рӕстуд фӕрнӕйдзагӕй цӕрӕд! Цалынмӕ мӕй рухс кӕны, уӕдмӕ зӕхх амондӕй йедзаг уӕд.

Псаломтӕ 72:14

Мӕхи цы хордтон алы бон дӕр, ӕрвылрайсом цы катай кодтон?

Псаломтӕ 84:11

Хорзӕх ӕмӕ иузӕрдиондзинад баиу уыдзысты, рӕстдзинад ӕмӕ фарн кӕрӕдзийӕн батӕ кӕндзысты.

Псаломтӕ 84:9

Байхъусон, Дунедарӕг Хуыцау цы зӕгъдзӕни, уымӕ. Уый Йӕ иузӕрдион адӕмӕн сабыр цардӕй зӕрдӕ ӕвӕры. Ӕрмӕст ныууадзӕнт се ’нӕсӕрфат митӕ.

Псаломтӕ 9:10

Ӕфхӕрд лӕгӕн Дунедарӕг уыдзӕни ӕмбӕхсӕн, фыдбылызы заман ӕй бахиздзӕн.

Псаломтӕ 9:9

Уый дунейӕн тӕрхон кӕндзӕни ӕнӕхӕрамӕй, адӕмтӕн рахӕсдзӕни раст тӕрхон.

Рацыд 15:2

Дунедарӕг мӕ хъомыс, мӕ хъару, мӕ Ирвӕзынгӕнӕг у. Уый мӕ Хуыцау у, ӕмӕ Йын кад кӕндзынӕн, Уый — мӕ фыдӕлты Хуыцау, ӕмӕ Йӕ стаудзынӕн!

Ӕмбисӕндтӕ 18:10

Зивӕггӕнаг кусӕг дӕрӕнгӕнӕгӕй уӕлдай нӕу.

Ӕмбисӕндтӕ 30:5

Хуыцауӕн Йӕ алы ныхас дӕр сыгъдӕг у; йӕ зӕрдӕ Йыл чи дары, уыдонӕн Уый сӕ уарт у.

Исайа 12:2

Хуыцау мӕнӕн — мӕ ирвӕзынгӕнӕг, мӕ уды ныфс — нӕ зонын Йемӕ тас. Мӕ хъомыс — Уый, мӕ зарӕджы сӕр — Дунедарӕг! Уый сси мӕ ирвӕзынгӕнӕг!»

Исайа 32:2

Алчидӕр сӕ йӕ адӕмӕн уыдзӕни, сис дымгӕйӕ куыд бахизы, уӕлхӕдзар — тыгъдызӕйӕ, суадӕттӕ хус быдыры куыд бахъӕуынц, бӕрзонд къӕдзӕхы аууон ӕдзӕрӕг ран фӕллад лӕгӕн куыд баххуыс кӕны, уыйау.

Исайа 45:21

Уӕ кӕрӕдзийы афӕрсут, баныхас кӕнут ӕмӕ Мын зӕгъут, абон цытӕ цӕуы, уый тыххӕй незаманты рагацау чи загъта, Уый Ӕз — Дунедарӕг — нӕ уыдтӕн, ӕви? Мӕн йеддӕмӕ ничи у Хуыцау — рӕстӕвзар ӕмӕ ирвӕзынгӕнӕг Хуыцау.

Йеремиа 16:19

О Дунедарӕг! Ды — мӕ тых, мӕ мӕсыг, бӕллӕхы заман ме ’мбӕхсӕн Ды дӕ! Цӕудзысты Дӕм зӕххы кӕрӕттӕй адӕмтӕ, зӕгъдзысты Дын: «Нӕ фыдӕлтӕн сӕ бынтӕ — ӕнӕпайда гуымирытӕ, мӕнгдзинад.

Йеремиа 16:9

Уымӕн ӕмӕ афтӕ зӕгъы Уӕларвӕфсады Бардарӕг, Израилы Хуыцау: «Уӕ цӕстыты раз, уӕ заманы, Ӕз ацы зӕххыл цин, хъӕлдзӕгдзинад ӕмӕ чындзӕхсӕвы уынӕр бамынӕг кӕндзынӕн.

Лука 1:47

Мӕ уд цин кӕны Хуыцауыл, мӕ Ирвӕзынгӕнӕгыл!

Лука 1:69

Йӕ лӕггадгӕнӕг Давиды байзӕддагӕй нын радта хъомысджын Ирвӕзынгӕнӕджы,

Лука 1:71

Уый мах фервӕзын кӕндзӕн не знӕгтӕй ӕмӕ, ӕнӕуынон кӕмӕн стӕм, уыдоны къухӕй.

Фӕлхатгонд ӕгъдау 32:37

Зӕгъдзӕни: „Кӕм сты сӕ хуыцӕуттӕ, сӕ зӕрдӕ кӕуыл дардтой, уыцы фидӕрттӕ?

Фӕлхатгонд ӕгъдау 32:4

Уый у Къӕдзӕх. Ӕнӕлаз у Йӕ алы хъуыддаг дӕр, Йӕ алы фӕндаг дӕр — рӕстаг. Иузӕрдион у Уый, ницы Йӕм ис сайдӕй, рӕстаг у ӕмӕ раст тӕрхон кӕны.

Фӕлхатгонд ӕгъдау 33:29

Тӕхудиаг дӕ ды, Израил! Кӕм ис сымахӕн ӕмбал, Дунедарӕг йӕ хъахъхъӕнӕг, йӕ уарт ӕмӕ йӕ кады кард кӕмӕн у, уыцы адӕм? Сымахӕн уе знӕгтӕ ӕрныллӕг уыдзысты уӕ разы, сымах та сын сӕ фӕсонтыл къахӕй лӕудзыстут».

Титмӕ 3:4

Фӕлӕ нӕ Ирвӕзынгӕнӕг Хуыцау хӕрзаудӕнгӕнӕг ӕмӕ адӕмуарзаг кӕй у, уый куы раргом,

Титмӕ 3:6

Уыцы Удӕй нын нӕ Ирвӕзынгӕнӕг Йесо Чырыстийы руаджы Хуыцау радта рӕдауӕй,

Дзуттӕгтӕм 2:13

Ӕмӕ ноджыдӕр: «Ӕз Ыл Мӕ зӕрдӕ дардзынӕн». Ӕмӕ ноджыдӕр: Мӕнӕ Ӕз Мӕхӕдӕг ӕмӕ, «Хуыцау Мын кӕй радта, уыцы хъӕбултӕ».

1 Паддзахӕдтӕ 2:1

Аннӕ кувын райдыдта ӕмӕ загъта: «Дунедарӕг мын барухс кодта мӕ зӕрдӕ, мӕ сыкъа мын бӕрзонд систа. Мӕ фыдгултыл мӕхи худӕгӕй хӕссын, цин кӕнын, кӕй мӕ фервӕзын кодтай, ууыл.

1 Паддзахӕдтӕ 2:2

Дунедарӕгӕй уаздӕр ничи у, никӕй ис абарӕн Демӕ. Нӕ Хуыцау у къӕдзӕх, Уый хуызӕн никуы ис.