2 Паддзахӕдтӕ 21:7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁷ Давид, Саулы фырт Ионатанимӕ Дунедарӕджы раз цы ард бахордтой, уый йӕ зӕрдыл дардта ӕмӕ Ионатаны фырт Мефивошетыл бацауӕрста.

2 Паддзахӕдтӕ 21:7 ပူးပေါင်းရင်းမြစ်များ

2 Паддзахӕдтӕ 16:4

Паддзах Цивайӕн загъта: «Уӕдӕ Мефивошеты мулк иууылдӕр дӕу фӕуӕд». Цива йын дзуапп радта: «Ныллӕг дын кувын. Дӕ хорзӕх мӕ уӕд, мӕ бардарӕг, паддзах!»

2 Паддзахӕдтӕ 19:25

Йерусалиммӕ паддзахы размӕ куы ӕрбацыди, уӕд ӕй паддзах бафарста: «Мефивошет, мемӕ цӕуылнӕ ацыдтӕ?»

2 Паддзахӕдтӕ 4:4

Саулы фырт Ионатанӕн уыдис иу къуылых фырт. Саул ӕмӕ Ионатаны амарды хабар куы ӕрбайхъуысти Изреелӕй, уӕд ыл цыди фондз азы. Йӕ дыджызӕ йӕ фелвӕста ӕмӕ лидзынмӕ фӕци. Фыр тагъдӕй саби йӕ къухтӕй ӕрхауди ӕмӕ фӕкъуылых ис. Йӕ ном хуынди Мефивошет.

2 Паддзахӕдтӕ 9:1

Давид загъта: «Саулы бинонтӕй, цымӕ, ничиуал баззади? Фӕнды мӕ, Ионатаны сӕр хъуыды кӕнгӕйӕ, уымӕн баххуыс кӕнын».

2 Паддзахӕдтӕ 9:10

Кус ын йӕ зӕххыл дӕ фырттӕ ӕмӕ дӕ цагъартимӕ ӕмӕ йын йӕ тыллӕг дӕтт, цӕмӕй дӕ хицау мацы хъуаг уа. Дӕ хицауы фырт Мефивошет йӕхӕдӕг та кӕддӕриддӕр мемӕ ӕмвынг уыдзӕнис». (Цивайӕн уыди фынддӕс фырты ӕмӕ йӕм уыд ссӕдз цагъары.)

2 Паддзахӕдтӕ 9:6

Саулы фырты фырт, Ионатаны фырт Мефивошет бацыди Давидмӕ ӕмӕ йӕ разы йӕ зонгуытыл ӕрхаудис. «Мефивошет!» — сдзырдта йӕм Давид. «Мӕнӕ ис дӕ цагъар», — дзуапп радта уый.

2 Паддзахӕдтӕ 9:7

Давид ын загъта: «Ма тӕрс. Дӕ фыд Ионатаны сӕр хъуыды кӕнгӕйӕ, ӕз дӕуӕн ӕнӕмӕнг хорзы бацӕудзынӕн. Дӕ фыды фыд Саулы зӕххытӕ дын иууылдӕр фӕстӕмӕ ратдзынӕн, дӕхӕдӕг та кӕддӕриддӕр мемӕ ӕмвынг уыдзынӕ».

Экклесиаст 8:2

Ӕз афтӕ зӕгъын: байхъус паддзахы фӕдзӕхстмӕ, афтӕмӕй Хуыцауы раз дӕ сомы сӕххӕст кӕндзынӕ.

1 Паддзахӕдтӕ 18:3

Ионатан Давидӕй загъта ӕрдхорд, уымӕн ӕмӕ йӕ бауарзта йӕхи удау.

1 Паддзахӕдтӕ 20:12

ӕмӕ Ионатан ард бахордта Давидӕн: «Цардӕгас у Дунедарӕг, Израилы Хуыцау! Райсом ацафон кӕнӕ иннӕбон ӕз ракъахдзынӕн мӕ фыды, хорз зӕрдӕ дӕм дары ӕви нӕ, ӕмӕ дын ӕй уайтагъд фехъусын кӕндзынӕн.

1 Паддзахӕдтӕ 20:15

Амардтӕн, зӕгъгӕ, уӕд та-иу мын мӕ хӕдзарӕй дӕ хорзӕх макуы айс, суанг Дунедарӕг Давиды ӕппӕт знӕгтӕн сӕ мыггаг куы сыскъуына, уӕд дӕр».

1 Паддзахӕдтӕ 20:17

Ӕмӕ та Ионатан ногӕй ард бахордта Давидӕн, уымӕн ӕмӕ йӕ йӕхи удау уарзта.

1 Паддзахӕдтӕ 20:42

Ионатан загъта Давидӕн: «Цу фарнимӕ. Дунедарӕджы номӕй ард кӕй бахордтам, уымӕн та Дунедарӕг ӕз ӕмӕ дӕуӕн, стӕй мӕ байзӕддаг ӕмӕ дӕ байзӕддагӕн ӕвдисӕн уӕд мыггагмӕ».

1 Паддзахӕдтӕ 20:8

Уӕдӕ дӕ цагъарӕн уыцы хорзы бацу, уымӕн ӕмӕ дзы Дунедарӕджы раз ӕрдхорд загътай. Кӕд исты азымджын дӕн, уӕд та мӕ дӕхӕдӕг амар. Цӕмӕн ма мӕ хъӕуы дӕ фыдмӕ кӕнын?»

1 Паддзахӕдтӕ 23:18

Дунедарӕджы раз та кӕрӕдзийӕ ногӕй ӕрдхӕрдтӕ загътой. Ӕмӕ Давид баззади Хорешы, Ионатан та йӕ хӕдзармӕ раздӕхт.

1 Паддзахӕдтӕ 24:22

Гъемӕ мын Дунедарӕгӕй ард бахӕр, куынӕуал уон, уӕд мын мӕ байзӕддаджы кӕй нӕ фесафдзынӕ ӕмӕ мын мӕ ном уӕлӕуыл мӕ мыггаджы ’хсӕн кӕй ныууадздзынӕ, уый тыххӕй».