2 Паддзахӕдтӕ 14:7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁷ Ныр мӕ хионтӕ дӕр мӕ ныхмӕ рацыдысты ӕмӕ мын зӕгъынц: „Йе ’фсымӕры чи амардта, уый нын нӕ къухмӕ ратт, ӕмӕ дзы, кӕй бабын кодта, уый туг райсӕм; кӕд бындар у, уӕддӕр ӕй амарӕм“. Мӕ къонайы ма цы зынг баззади, уый бынтондӕр ахуыссын кӕндзысты, мӕ мойӕн йӕ ном куыд фесӕфа ӕмӕ йын зӕххы цъарыл куыд ничиуал баззайа, афтӕ».

2 Паддзахӕдтӕ 14:7 ပူးပေါင်းရင်းမြစ်များ

Райдиан 27:45

Йӕ маст куы ссӕуа де ’фсымӕрӕн, цы йын бакодтай, уый йӕ куы ферох уа, уӕд дӕм арвитдзынӕн ӕмӕ дӕ уырдыгӕй фӕстӕмӕ ӕрбакӕндзынӕн. Цӕмӕн хъуамӕ фенӕхай уон уыцы иу бон уӕ дыууӕйӕ дӕр?»

Райдиан 4:14

Гъеныр мӕ сурыс а зӕххӕй, ӕмӕ цӕуын, нал Дӕм равдисдзынӕн мӕхи. Ӕнӕкъона, хӕтӕнхуагӕй ӕрвитдзынӕн мӕ цард. Чидӕриддӕр мыл амбӕла — амардзӕн мӕ».

2 Паддзахӕдтӕ 12:17

Йӕ хистӕр лӕггадгӕнджытӕ-иу йӕ уӕлхъус ӕрлӕууыдысты, зӕххӕй йӕ сыстын кӕнӕм, зӕгъгӕ, фӕлӕ сын уый нӕ куымдта ӕмӕ семӕ комдзаг дӕр нӕ кодта.

2 Паддзахӕдтӕ 14:6

Дӕ цагъарӕн ма дыууӕ фырты уыди; быдыры фӕхыл сты, ӕмӕ сӕ иргъӕвӕг нӕ фӕци, афтӕмӕй дзы иу иннӕйы ныццавта ӕмӕ йӕ амардта.

2 Паддзахӕдтӕ 14:8

Паддзах сылгоймагӕн загъта: «Цу дӕ хӕдзармӕ, ӕз бафӕдзӕхсдзынӕн дӕу тыххӕй».

Нымӕцтӕ 35:19

Кӕмфӕнды йыл куы бамбӕла, уӕддӕр тугисӕгӕн йӕ бон у марӕджы амарын.

Матфей 21:38

Фӕлӕ йын ӕххуырст кусджытӕ йӕ фырты куы ауыдтой, уӕд кӕрӕдзийӕн загътой: „Ай йӕ бындар у. Амарӕм ӕй ӕмӕ йын йӕ бынтӕ нӕхи бакӕнӕм“.

Фӕлхатгонд ӕгъдау 25:6

Фыццаг сын цы лӕппу райгуыра, уый цыма мард ӕфсымӕры фырт у, афтӕ нымад ӕрцӕудзӕн, ӕмӕ мард ӕфсымӕрӕн израилӕгты ’хсӕн йӕ ном нӕ фесӕфдзӕн.