2 Паддзахӕдтӕ 1:22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²² Ионатаны фат никуы фездӕхти, Саулы кард никуы баззади, знаджы тугӕй нӕ сахуырсгӕйӕ, йӕ фиуӕй йын нӕ ацаходгӕйӕ.

2 Паддзахӕдтӕ 1:22 ပူးပေါင်းရင်းမြစ်များ

Йеремиа 50:9

Уымӕн ӕмӕ Ӕз цӕгатаг зӕххытӕй ӕнӕнымӕц адӕмты сыстын кӕндзынӕн. Ӕрбакӕндзынӕн сӕ Вавилоны ныхмӕ хӕцынмӕ, ӕмӕ йӕ бацахсдзысты. Хӕрзарӕхст сты сӕ фатӕхсджытӕ, ӕнӕ ӕфтиагӕй не здӕхынц фӕстӕмӕ.

Фӕлхатгонд ӕгъдау 32:42

Мӕ фӕттӕ срасыг уыдзысты тугӕй, Уацайрӕгтӕ ӕмӕ мӕрдты фыдӕй, сӕ тугӕй бафсӕддзӕн мӕ кард, йӕ балхонты сӕртӕ сын анымайдзӕн!

1 Паддзахӕдтӕ 14:47

Саул Израилы ӕрфидар кодта йӕ паддзахдзинад ӕмӕ йӕ алфамбылай знӕгтӕй алкӕимӕ дӕр хӕцыди: тох кодта моавӕгтӕ, аммонӕгтӕ, едомӕгтӕ, Цовайы паддзах ӕмӕ филистимӕгтимӕ. Кӕдӕмдӕриддӕр-иу бабырста, уым-иу фӕуӕлахиз.

1 Паддзахӕдтӕ 14:48

Хӕцыди хъӕбатырӕй. Ныддӕрӕн кодта амалекаг лӕбурджыты ӕмӕ сын сӕ азарӕй фервӕзын кодта Израилы адӕмы.

1 Паддзахӕдтӕ 18:4

Раласта йӕ пӕлӕз ӕмӕ йӕ ӕрдхорды лӕварӕн радта Давидӕн. Радта йын йӕ хотыхтӕ дӕр, уыимӕ йӕ кард, йе ’рдын ӕмӕ йӕ рон.