2 Паддзахӕдтӕ 1:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² Ӕртыккаг бон Саулы рӕсӕнуатӕй уырдӕм иу лӕг ӕрбацыди, йӕ дарӕс пырх, йӕ сӕр та рыгӕй нал зынд, афтӕмӕй. Давидмӕ бацыди ӕмӕ йын ныллӕг акуывта.

2 Паддзахӕдтӕ 1:2 ပူးပေါင်းရင်းမြစ်များ

Райдиан 22:4

Ӕртыккаг бон Авраам йӕ алыварс йӕ цӕст ахаста ӕмӕ дардмӕ суыдта уыцы бынат.

Райдиан 37:29

Рувим донуатмӕ ӕрбаздӕхти, кӕсы, ӕмӕ Йосеф уым нал. Уӕд йӕ дарӕс арӕдывта фӕйнӕрдӕм,

Райдиан 37:34

Йаков йӕ дарӕс фӕйнӕрдӕм арӕдывта, йӕ астӕуыл сӕхъис ӕрбатыхта ӕмӕ бирӕ бонты фӕкуыдта йӕ фыртыл.

Райдиан 43:28

Уыдон ын дзуапп радтой: «Дзӕбӕх, сӕрӕгас у дӕ цагъар, нӕ фыд». Ӕмӕ та ӕрзоныг кодтой йӕ разы.

2 Паддзахӕдтӕ 1:3

Давид ӕй бафарста: «Кӕцӕй ӕрбацыдтӕ?» Уый йын дзуапп радта: «Израилы рӕсӕнуатӕй ралыгътӕн».

2 Паддзахӕдтӕ 13:19

Тамар йӕ сӕрыл фӕнык байзӕрста, йӕ хуызджын дарӕс ӕрыскъуыдтӕ кодта ӕмӕ, йӕ къухтӕй йӕ сӕрыл хӕцгӕ, хъӕрӕй дзынӕзта, афтӕмӕй цыди.

2 Паддзахӕдтӕ 14:4

Текоайаг сылгоймаг паддзахмӕ бацыди ӕмӕ йӕ разы зӕххыл ныддӕлгом ис. Загъта: «Паддзах, баххуыс кӕн!»

2 Паддзахӕдтӕ 15:32

Давид схӕццӕ ис хохы сӕрмӕ, Хуыцаумӕ кӕм фӕкувынц, уырдӕм, ӕмӕ уым йӕ размӕ фӕци йӕ лымӕн, аркаг Хушай, йӕ дарӕс — пырх, йӕ сӕр рыгӕй нал зынди, афтӕмӕй.

2 Паддзахӕдтӕ 24:20

Орна паддзах ӕмӕ йӕ дӕлдӕрты ӕрбацӕйцӕугӕ куы федта, уӕд сӕ размӕ рацыд ӕмӕ паддзахы раз зӕххыл ныддӕлгом ис.

2 Паддзахӕдтӕ 4:10

Саулы амӕлӕты хабар мӕм чи ӕрбахаста ӕмӕ йӕхицӕн цины уацхӕссӕг ӕнхъӕл чи уыд, ӕз уымӕ куы фӕлӕбурдтон ӕмӕ йӕ куы амардтон Циклагы, уый дын хӕрзӕггурӕггаг, зӕгъгӕ,

Естер 4:16

«Цӕугӕ ӕмӕ, Шушаны цы иудейӕгтӕ ис, уыдоны ӕрбамбырд кӕн, ӕмӕ мӕн тыххӕй ком бадарут — ӕртӕ боны ӕмӕ ӕртӕ ’хсӕвы хӕргӕ дӕр ӕмӕ нуазгӕ дӕр мацы бакӕнут. Ӕз дӕр мӕ лӕггадгӕнӕг сылгоймӕгтимӕ афтӕ ком дардзынӕн ӕмӕ стӕй, кӕд уагӕвӕрд уый нӕ бары, уӕддӕр паддзахмӕ бацӕудзынӕн ӕмӕ, кӕд мӕлон, уӕд уадз ӕмӕ амӕлон».

Естер 5:1

Ӕртыккаг бон Естер йӕ уӕлӕ скодта йӕ паддзахфӕлыст, ацыд ӕмӕ паддзахы дуары раз слӕууыди. Паддзах йӕ къӕлӕтджыны бадти, йӕ цӕсгом — дуары ’рдӕм.

Псаломтӕ 66:3

цӕмӕй зӕххы цъары ӕппӕт адӕмтӕн раргом уа Дӕ фӕндаг, Дӕ ирвӕзындзинад.

Езекиел 27:30

Дзагхъӕлӕсӕй дыл ныккӕудзысты ӕмӕ хъарӕг кӕндзысты; сӕ сӕртыл рыг байзӕрдзысты ӕмӕ сӕхи рыджы ӕвдулдзысты.

Осиа 6:2

Дыууӕ бонмӕ нӕ царды тых бауадздзӕн, ӕртыккаг бон нӕ слӕууын кӕндзӕн нӕ къӕхтыл, ӕмӕ цӕрдзыстӕм Йӕ разы.

Иоел 2:13

Уӕ дарӕс нӕ, фӕлӕ уӕ зӕрдӕтӕ арӕдувут фӕйнӕрдӕм!» Раздӕхут уӕ Дунедарӕг Хуыцаумӕ, уымӕн ӕмӕ Уый барон ӕмӕ тӕригъӕдгӕнаг, бирӕбыхсаг ӕмӕ хӕларзӕрдӕ у, фыдбылыз ӕруадзыны фӕнд аивдзӕнис ӕхсызгонӕй.

Матфей 12:40

Уымӕн ӕмӕ Ионӕ стыр кӕсаджы хуылфы ӕртӕ боны ӕмӕ ӕртӕ ’хсӕвы куыд фӕци, афтӕ Адӕймаджы Фырт дӕр ӕртӕ боны ӕмӕ ӕртӕ ’хсӕвы уыдзӕни зӕххы арфы.

Матфей 16:21

Уӕдӕй фӕстӕмӕ Йесо Йӕ ахуыргӕнинӕгтӕн ӕмбарын кӕнын райдыдта: хъуамӕ ацӕуа Йерусалиммӕ ӕмӕ уым адӕмы хистӕртӕ, алчертӕ ӕмӕ динамонджыты къухӕй бирӕ хъизӕмӕрттӕ бавзара; амардзысты йӕ, ӕмӕ ӕртыккаг бон райгас уыдзӕни.

Нуны фырт Йешуа 7:6

Йешуа йӕ дарӕс фӕйнӕрдӕм арӕдывта ӕмӕ ныддӕлгом ис зӕххыл Дунедарӕджы Фидыды Чырыны раз ӕмӕ афтӕмӕй баззади суанг изӕрмӕ. Израилы хистӕртӕ дӕр ӕй бафӕзмыдтой, сӕ сӕртыл рыг байзӕрстой.

Ӕргомад 3:9

Сайтаны ӕмбырды чи ис, йӕхи иудейаг чи хоны, афтӕмӕй иудейаг нӕ, фӕлӕ фӕливӕг чи у, уыдонӕн Ӕз бакӕндзынӕн афтӕ: ӕрцӕудзысты ӕмӕ дӕ къӕхты бынмӕ ӕрхаудзысты, ӕмӕ уӕд базондзысты, Ӕз дӕ кӕй бауарзтон, уый.

1 Паддзахӕдтӕ 20:41

Лӕппу араст ис, Давид та обауы хуссарварсӕй рацыд ӕмӕ зӕххыл ныддӕлгом. Ӕртӕ хатты ныллӕг акуывта Ионатанӕн, стӕй кӕрӕдзийӕн аба кодтой ӕмӕ ӕмхъӕлӕсӕй ныккуыдтой. Уӕлдай тынгдӕр куыдта Давид.

1 Паддзахӕдтӕ 25:23

Авигеа Давиды куыддӕр ауыдта, афтӕ ӕрфистӕг ӕмӕ йын ныллӕг акуывта,

1 Паддзахӕдтӕ 4:12

Уыцы бон Бениамины хӕдзарвӕндагӕй иу лӕг тохы быдырӕй фӕцагайдта ӕмӕ тӕккӕ уыцы бон Силомы балӕууыд, йӕ дарӕс — скъуыдтӕ, йӕ сӕр рыгӕй нал зынди, афтӕмӕй.

1 Паддзахӕдтӕ 4:16

Хабархӕссӕг Елиайӕн загъта: «Тохы быдырӕй ӕрбахӕццӕ дӕн, тӕккӕ абон ралыгътӕн уырдыгӕй». Елиа бафарста: «Цы ’рцыди, мӕ хъӕбул?»