2 Коринфӕгтӕм 3:16 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁶ Фӕлӕ, Бардарӕгмӕ куы ӕрцӕуынц, уӕд уыцы ӕмбӕрзӕн айстӕуы.

2 Коринфӕгтӕм 3:16 ပူးပေါင်းရင်းမြစ်များ

Рацыд 34:34

Дунедарӕгимӕ ныхас кӕнынмӕ-иу куы цыд, уӕд-иу систа йӕ цӕсгомӕмбӕрзӕн, цалынмӕ-иу фӕстӕмӕ рацыд, уӕдмӕ. Куы-иу рацыд, уӕд-иу израилӕгтӕн фехъусын кодта Дунедарӕджы фӕдзӕхстытӕ.

Исайа 25:7

Дунедарӕг уыцы хохыл, ӕппӕт адӕмты цы ’мбӕрзӕн ӕрбатыхта, цы фӕлм сӕ ӕхгӕны, уый фесафдзӕн;

Исайа 29:18

Уыцы бон къуырматӕ фехъусдзысты тухгӕ чиныджы ныхӕстӕ, куырмыты цӕстытыл нал баддзӕн фӕлм, ӕмӕ суындзысты.

Исайа 54:13

Дӕ байзӕддӕгты дын се ’ппӕты дӕр сахуыр кӕндзӕн Дунедарӕг, ӕгӕрон уыдзӕн сӕ фарн.

Йеремиа 31:34

Алчи кӕрӕдзийы ӕмӕ ӕфсымӕр ӕфсымӕры нал ахуыр кӕндзӕн ӕмӕ нал дзурдзӕн, Дунедарӕджы базонут, зӕгъгӕ, — иууылдӕр Мӕ зондзысты, стырӕй, чысылӕй, — зӕгъы Дунедарӕг. — Ӕз сын сӕ фыдракӕндтӕ ныббардзынӕн, сӕ тӕригъӕдтӕ сын нал ӕрымысдзынӕн.

Хъарӕг 3:40

Фӕндаг ссарӕм, Дунедарӕгмӕ раздӕхӕм,

Ромӕгтӕм 11:23

Фӕлӕ уыдон дӕр хивӕнд куынӕ уой ӕмӕ куы баууӕндой, уӕд та сӕ бафтыдӕуыдзӕн, уымӕн ӕмӕ Хуыцауӕн Йӕ бон у бӕласыл сӕ ногӕй бафтауын.

2 Коринфӕгтӕм 3:15

Абон дӕр ма, Моисейы Ӕгъдау кӕсгӕйӕ, ӕмбӕрзӕн тыгъд у сӕ зӕрдӕтыл.

Фӕлхатгонд ӕгъдау 30:10

Дунедарӕджы, уӕ Хуыцауы, коммӕ куы кӕсат, ацы Ӕгъдауы чиныджы цы фӕдзӕхстытӕ ӕмӕ уагӕвӕрдтӕ фыст ис, уыдон куы ӕххӕст кӕнат, Дунедарӕгмӕ, уӕ Хуыцаумӕ, ӕппӕт зӕрдӕйӕ ӕмӕ ӕппӕт уды хъаруйӕ уе ’ргом куы раздахат, уӕд.

Фӕлхатгонд ӕгъдау 4:30

Искуы уыл фидӕны уынгӕг рӕстӕг куы скӕна ӕмӕ ӕппӕт адӕттӕ куы бавзарат, уӕд раздӕхдзыстут Дунедарӕгмӕ, уӕ Хуыцаумӕ, ӕмӕ Йын фехъусдзыстут Йӕ хъӕлӕс.