2 Коринфӕгтӕм 12:11 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹¹ Ӕз сдӕн ӕнӕзондау — уымӕ мӕ уӕхӕдӕг ӕртардтат. Уӕвгӕ та мӕ сымах хъуамӕ ӕппӕликкат. Кӕд ӕз ницы дӕн, уӕддӕр «уӕлдӕр апостолтӕй» ницӕмӕй цауддӕр дӕн.

2 Коринфӕгтӕм 12:11 ပူးပေါင်းရင်းမြစ်များ

Ӕмбисӕндтӕ 27:2

Дӕхӕдӕг ма ӕппӕл дӕхицӕй, уадз ӕмӕ дӕ ’ндӕр исчи раппӕла.

Лука 17:10

Афтӕ сымах дӕр — цыдӕриддӕр уын бафӕдзӕхстӕуыд, уый куы бакӕнат, уӕд-иу зӕгъут: „Мах ницӕйаг цагъартӕ стӕм — цы нын ӕмбӕлдис, уымӕй дарддӕр ницы сарӕзтам“».

1 Коринфӕгтӕм 13:2

Кӕд мӕм ис пехуымпар ныхас кӕныны курдиат, зонын ӕппӕт сусӕгдзинӕдтӕ, ис мӕм алы зонынад, стӕй хӕхтӕ ӕндӕр ран ӕрӕвӕрын кӕй бон у, ахӕм уырнындзинад, уарзт та мӕм нӕй, — уӕд ӕз ницы дӕн.

1 Коринфӕгтӕм 3:22

Павел уа, Аполлос кӕнӕ Кифӕ, дуне уа, цард, мӕлӕт, абон кӕнӕ фидӕн — ӕппӕт дӕр сымах у;

2 Коринфӕгтӕм 1:6

Кӕд мах хъизӕмар кӕнӕм, уӕд нӕ хъизӕмар у сымах ныфс бауадзыны ӕмӕ уӕ фервӕзыны сӕраппонд. Кӕд мах бауагъдӕуы ныфс, уӕд уый у сымахӕн ныфс раттыны сӕраппонд. Уыцы ныфсы руаджы сымах фӕразонӕй фӕбыхсут, мах дӕр кӕй ӕвзарӕм, уыцы хъизӕмӕрттӕн.

2 Коринфӕгтӕм 11:1

Кӕд иу чысыл ӕдылыгомау дӕн, уӕддӕр мын уӕд та куы бабыхсиккат! Уӕ хорзӕхӕй, бабыхсут!

2 Коринфӕгтӕм 11:5

Мӕнмӕ та афтӕ кӕсы, ӕмӕ ӕз уыцы «уӕлдӕр апостолтӕй» ницӕмӕй цауддӕр дӕн.

2 Коринфӕгтӕм 12:12

Апостол кӕй дӕн, уый уын равдыстон мӕ фӕразонӕй, ӕвдисӕйнӕгтӕй, диссӕгтӕй ӕмӕ стыр хъуыддӕгтӕй.

2 Коринфӕгтӕм 12:6

Ӕниу мӕ мӕхицӕй раппӕлын куы бафӕнда, уӕд дӕр ӕнӕзонд нӕ уыдзынӕн — раст цы у, уый зӕгъдзынӕн. Фӕлӕ мӕхиуыл куы фӕхӕцон, уӕд хуыздӕр уыдзӕн, цӕмӕй мӕ исчи, куы мӕ фӕуыны ӕмӕ мӕм куы фӕхъусы, уӕд ӕм куыд фӕкӕсын, уымӕй хуыздӕр ма фенхъӕла.

2 Коринфӕгтӕм 3:1

Афтӕ нӕ уайы, цыма та уын мах дӕр ногӕй, мӕнӕ куыд хорз стӕм, зӕгъгӕ, нӕхи бацамоныныл архайӕм? Кӕйдӕрты сӕхицӕй ӕппӕлыны сӕр куыд хъӕуы, афтӕ махмӕ дӕр хъуамӕ ахӕм фыстӕджытӕ уа сымахӕн равдисынӕн, кӕнӕ уын сӕ уӕхицӕй хъуамӕ райсӕм?

2 Коринфӕгтӕм 5:13

Кӕд сонт стӕм, уӕд — Хуыцауы сӕраппонд; нӕ зонд кӕд нӕхимӕ ис, уӕд — сымах сӕраппонд.

Галатӕгтӕм 6:3

Ницы уӕвгӕйӕ йӕхицӕн цыдӕр ӕнхъӕл чи у, уый йӕхи сайы.

Эфесӕгтӕм 3:8

Мӕнӕн, сыгъдӕджыты тӕккӕ ницӕйагдӕрӕн, рардӕуыди уыцы хорзӕх — муртаттӕгтӕм Чырыстийы ӕгӕрон хъӕздыгдзинады Фарны Уац фӕхӕццӕ кӕнын,