2 Азфыстытӕ 9:21 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²¹ Паддзахмӕ уыди, Хирамы адӕмимӕ Таршишмӕ чи цыди, ахӕм наутӕ, ӕмӕ йын уыдон Хирамы наудзогтимӕ ӕртӕ афӕдзы иу хатт ластой сыгъзӕрин, ӕвзист ӕмӕ пылыстӕг, стӕй маймулитӕ ӕмӕ мӕлхъытӕ.

2 Азфыстытӕ 9:21 ပူးပေါင်းရင်းမြစ်များ

3 Паддзахӕдтӕ 10:22

Паддзахмӕ уыдис, Таршишмӕ цӕуынхъом чи уыд, ахӕм наутӕ, ӕмӕ йын уыдон Хирамы денджызонтимӕ ӕртӕ азӕй ӕртӕ азмӕ ластой сыгъзӕрин, ӕвзист ӕмӕ пылыстӕг, стӕй маймулитӕ ӕмӕ мӕлхъытӕ.

3 Паддзахӕдтӕ 22:48

Иосафат саразын кодта Таршишмӕ цӕуӕг базарадон наутӕ, йӕ зӕрды сӕ уыд Офирмӕ арвитын, уырдыгӕй сыгъзӕрин ӕрбаласыны тыххӕй. Фӕлӕ Офирмӕ нал ацыдысты — ныппырх ын сты Ецион-Геверы.

2 Азфыстытӕ 8:18

Хирам ын уырдӕм арвыста наутӕ, стӕй фӕлтӕрдджын наудзогты. Уыдон паддзах Соломоны адӕмимӕ наутыл аленк кодтой Офирмӕ, ӕрбаластой цыппарсӕдӕ фӕндзай таланты сыгъзӕрин ӕмӕ йӕ Соломонмӕ фӕхӕццӕ кодтой.

2 Азфыстытӕ 9:20

Соломонӕн йӕ нуазӕнтӕ иууылдӕр уыдысты сыгъзӕринӕй конд, ливайнаг хъӕдӕй фӕлыст агъуысты дзауматӕ дӕр иууылдӕр — сыгъдӕг сыгъзӕринӕй конд. Ӕвзист дзаумайӕ йӕм ницы уыди, уымӕн ӕмӕ Соломоны заман ӕвзистӕн ницы аргъ уыд.

Иовы чиныг 39:13

Страус йӕ базыртӕ фыр цинӕй тилы, къаннӕг сты йӕ базыртӕ, фӕлӕ сӕ систӕ куыд диссаг сты!

Псаломтӕ 72:10

Ӕмӕ Мӕ адӕм цӕуынц сӕ фӕдыл, дзаггарзӕй сын сӕ дон нуазынц!

Йеремиа 10:9

Таршишӕй сласынц ӕвзист, Уфазӕй — сыгъзӕрин. Згъӕртайынгӕнӕг ӕмӕ нывгӕнӕг сӕ бабӕстон кӕнынц, сӕ уӕлӕ сын скӕнынц сӕнт сырх хъуымацӕй дарӕс, сфӕлындынц сӕ гиацинтӕй, се ’ппӕт дӕр — ӕрмдӕсныты куыст.

Езекиел 27:12

Дӕ исбонӕн ныккӕнӕн дӕр нӕ уыд, ӕмӕ дын Таршишы сахар дӕ базайрӕгты сӕрмӕ лӕвӕрдта ӕвзист, ӕфсӕйнаг, къала ӕмӕ зды.

Езекиел 27:15

Демӕ базар кодтой Деданы сӕудӕджертӕ дӕр, стӕй денджызгӕрон сахартӕй бирӕтӕ. Ӕрбаластой-иу дын пылыстӕг ӕмӕ сау хъӕдӕрмӕг.

Ионӕ 1:3

Фӕлӕ Ионӕ сфӕнд кодта Таршишмӕ фӕлидзын, цӕмӕй Дунедарӕгӕй бамбӕхса. Ныццыдис Яффойы сахармӕ, Таршишмӕ чи цыд, ахӕм нау ссардта, ӕхца бафыста ӕмӕ наумӕ ныххызти, Дунедарӕгӕй йӕхи айсыны фӕндимӕ.