2 Азфыстытӕ 7:9 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁹ Ӕстӕм бон бӕрӕгбонӕн скодтой кӕрон. Нывондхӕссӕн срухс кӕныныл ӕдӕппӕтӕй ацыди авд боны, уый фӕстӕ та авд боны — бӕрӕгбоныл.

2 Азфыстытӕ 7:9 ပူးပေါင်းရင်းမြစ်များ

3 Паддзахӕдтӕ 8:2

Ӕмӕ ӕппӕт израилӕгтӕ паддзах Соломонмӕ ӕрӕмбырд сты Халагъудты бӕрӕгбоны рӕстӕг. Уый уыди етанимы мӕй, ӕвдӕм мӕй.

3 Паддзахӕдтӕ 8:65

Соломон Дунедарӕджы раз куывд скодта. Ӕгас Израил, Лево-Хаматӕй суанг Мысыры арӕны раз цы цӕугӕдон калд, уый онг чи царди, уыдон иууылдӕр — тынг бирӕ дзыллӕ — ӕрӕмбырд сты уыцы куывдмӕ ӕмӕ фӕминас кодтой иннабонӕй иннабонмӕ.

2 Азфыстытӕ 30:23

Адӕмы ма бафӕндыди бӕрӕгбоныл иу къуыри бафтауын, ӕмӕ та уыцы къуыри дӕр хъӕлдзӕгӕй арвыстой.

2 Азфыстытӕ 7:10

Ӕвдӕм мӕйы дыууын ӕртыккӕгӕм бон паддзах Соломон адӕмы сӕ хӕдзӕрттӕм ауагъта. Уыдон цин кодтой, сӕ зӕрдӕтӕ фыр цинӕй радысты, Дунедарӕг Давидӕн, Соломонӕн ӕмӕ Йӕ адӕм Израилӕн уый бӕрц хӕрзтӕ кӕй ракодта, уый тыххӕй.

Неемиа 8:18

Алы бон дӕр, фыццаг бонӕй фӕстаг бонмӕ, Хуыцауы дины чиныг кастысты. Сӕ бӕрӕгбон ахаста авд боны. Ӕстӕм бон та сын, ӕгъдаумӕ гӕсгӕ, нысангонд уыди кадджын ӕмбырд.

Рацыд 29:37

Авд боны дӕргъы ӕххӕст кӕн нывондхӕссӕн ссыгъдӕг кӕныны ӕгъдау, ӕмӕ уӕд нывондхӕссӕн срухс суыдзӕн. Уый фӕстӕ-иу ыл цыдӕриддӕр бандзӕва, уый дӕр уыдзӕни уаз.

Иоел 1:14

Комдарӕн бон снысан кӕнут, фехъусын кӕнут, кадджын ӕмбырд кӕй уыдзӕнис, уый. Ацы бӕстӕйы хистӕрты ӕмӕ йе ’ппӕт цӕрджыты уӕ Дунедарӕг Хуыцауы хӕдзары ӕрӕмбырд кӕнут ӕмӕ Дунедарӕгмӕ кувут хъӕрӕй!»

Левит 23:36

Авд боны дӕргъы Дунедарӕгӕн хӕссут нывӕндтӕ. Ӕстӕм бон-иу уазӕмбырд скӕнут, Дунедарӕгӕн арты нывӕндтӕ ӕрхӕссут. Уый у бӕрӕгбоны фӕстаг бон, мацы-иу бакусут.

Нымӕцтӕ 7:10

Нывондхӕссӕн срухс кӕныны кадӕн йӕ байсӕрдыны бон фӕтӕгтӕ нывӕндтӕ ӕрхастой. Сӕ хуынтимӕ нывондхӕссӕны раз ӕрлӕууыдысты,

Фӕлхатгонд ӕгъдау 16:8

Ӕхсӕз боны дӕргъы хӕр донгонд дзул, ӕвдӕм бон скӕн уазӕмбырд — Дунедарӕджы, дӕ Хуыцауы, номыл бӕрӕгбон у; ницы кусӕн ис.