2 Азфыстытӕ 6:42 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴² О Дунедарӕг Хуыцау! Кӕй байсӕрстай, уымӕй Де ’ргом ма аздах! Дӕ лӕггадгӕнӕг Давидӕн, иузӕрдыг ыл уӕвгӕйӕ, зӕрдӕ цы хӕрзтӕй бавӕрдтай, уыдонӕй йӕ ӕнӕхай ма фӕкӕн!

2 Азфыстытӕ 6:42 ပူးပေါင်းရင်းမြစ်များ

3 Паддзахӕдтӕ 1:34

Уым ӕй сауджын Цадок ӕмӕ пехуымпар Натан байсӕрдӕнт, цӕмӕй суа Израилы паддзах. Уӕд-иу сыкъауадындзтӕй ныууасут ӕмӕ ныхъхъӕр кӕнут: „Ӕгас цӕуӕд паддзах Соломон!“

3 Паддзахӕдтӕ 2:16

Фӕлӕ мӕм ныр иу курдиат ис дӕумӕ, ӕмӕ мыл дӕхи ма атигъ кӕн». — «Дзургӕ кӕн!»

Псаломтӕ 132:1

Уӕлвонг Кувӕндонмӕ цӕуджыты зарӕг. Сарӕзта йӕ Давид. Куыд ӕхсызгон ӕмӕ куыд хорз у — ӕфсымӕртӕ иумӕ фидыдӕй куы фӕцӕрынц!

Псаломтӕ 2:2

Растадысты зӕххон паддзӕхтӕ, ӕрбамбырд сты иумӕ барджынтӕ Дунедарӕг ӕмӕ Йӕ байсӕрсты ныхмӕ:

Псаломтӕ 84:10

Чи Дзы тӕрсы, уыдоны рӕхджы фервӕзын кӕндзӕн, ӕмӕ нӕ бӕстӕйы Хуыцауы кад ӕрцӕрдзӕн.

Исайа 55:3

Ӕрбайхъусут Мӕм ӕмӕ Мӕм ӕрбацӕут! Кӕсут Мӕ коммӕ ӕмӕ цӕрат! Ӕз мыггагмӕ бафидаудзынӕн уемӕ ӕмӕ, Давидӕн зӕрдӕ цы хорзӕхтӕй бавӕрдтон, уыдон бахай кӕндзынӕн сымахӕн дӕр.

Исайа 61:1

Мӕныл ис Дунедарӕг Хуыцауы Уд, уымӕн ӕмӕ Мӕ Хуыцау байсӕрста мӕгуыртӕн фарны уац фехъусын кӕнынмӕ, састзӕрдӕты сдзӕбӕх кӕнынмӕ, уацайрӕгтӕ ӕмӕ ахӕстытӕн, се ссӕрибары рӕстӕг кӕй ралӕууыд, уый зӕгъынмӕ.

Апостолты хъуыддӕгтӕ 13:34

Хуыцау Ӕй мӕрдтӕй кӕй райгас кодта ӕмӕ Йын бамбийӕн кӕй нӕ уыдзӕн, уый тыххӕй та загъта афтӕ: „Давидӕн зӕрдӕ цы уаз хорзӕхтӕй бавӕрдтон — аивӕн сын нӕй, сымахӕн сӕ ратдзынӕн“.