2 Азфыстытӕ 6:38 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³⁸ уацары сӕ кӕдӕм акодтой, уыцы зӕххыл Дӕм се ’ргом зӕрдиагӕй куы раздахой ӕмӕ Дӕм куы кувой, кӕддӕр сын сӕ фыдӕлтӕн цы зӕхх раттай, цы сахар равзӕрстай ӕмӕ ӕз Дӕ номыл цы Кувӕндон сарӕзтон, уыдонмӕ се ’ргом куы саразой,

2 Азфыстытӕ 6:38 ပူးပေါင်းရင်းမြစ်များ

2 Азфыстытӕ 6:34

Дӕ адӕм Дӕ амынд фӕндагыл знаджы ныхмӕ хӕстмӕ куы рацӕуой ӕмӕ Дӕм, цы сахар равзӕрстай ӕмӕ Дын ӕз цы Кувӕндон сарӕзтон, уыдонмӕ се ’ргом саразгӕйӕ, куы скувой,

2 Азфыстытӕ 6:37

ӕмӕ, уацары цы зӕххыл уой, уым зӕрдиагӕй куы ’рфӕсмон кӕной, се ’ргом Дӕм куы раздахой ӕмӕ Дын лӕгъстӕ куы кӕной, тӕригъӕды бацыдыстӕм, фыдракӕнд сарӕзтам ӕмӕ азымджын стӕм, зӕгъгӕ,

2 Азфыстытӕ 6:39

уӕд-иу сын уӕларвӕй, Дӕ цӕрӕнбынатӕй, фехъус сӕ куывд, сӕ лӕгъстӕ ӕмӕ-иу сын ахъаз бакӕн! Ныббар-иу Дӕ адӕмӕн, Дӕ разы тӕригъӕды чи бацыди, уыдонӕн!

Даниил 6:10

Кӕд Даниил паддзахы бардзырд зыдта, уӕддӕр-иу йӕ хӕдзары уӕллаг уатмӕ ссыди; йӕ уаты рудзгуытӕ арӕзт уыдысты Йерусалимы ’рдӕм. Бон ӕртӕ хатты-иу йӕ зонгуытыл ӕрлӕууыд ӕмӕ раздӕрау куывта ӕмӕ арфӕ кодта йӕ Хуыцауӕн.

Ионӕ 2:4

Сӕрсӕфӕнмӕ, денджызы арфмӕ мӕ нывзылдтай, мӕ алыварс дон фестади, Дӕ дӕттӕ ӕмӕ Дӕ уылӕнтӕ ивылдысты мӕ сӕрты.