2 Азфыстытӕ 6:22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²² Исчи искӕй азымджын куы кӕна, мӕ ныхмӕ тӕригъӕды бацыди, зӕгъгӕ, ӕмӕ дзы ард бахӕрын куы дома, ӕмӕ уый Дӕ Кувӕндоны нывондхӕссӕны раз ард куы бахӕра,

2 Азфыстытӕ 6:22 ပူးပေါင်းရင်းမြစ်များ

2 Азфыстытӕ 6:21

Дӕ цагъарӕн, стӕй Дӕ адӕм Израилӕн-иу фехъус сӕ алы куывд дӕр. Уыдон-иу ацы бынатмӕ се ’ргом куы саразой ӕмӕ куы кувой, уӕд-иу сӕ фехъус Дӕ цӕрӕнбынатӕй, уӕлӕрвтӕй, ӕмӕ-иу сын ныббар сӕ азым.

2 Азфыстытӕ 6:23

уӕд-иу ын уӕларвӕй йӕ ардбахӕрд фехъус ӕмӕ-иу аххосджынӕн йӕ хъуыддӕгтӕм гӕсгӕ стӕрхон кӕн, ӕназымы та-иу сраст кӕн, йӕ рӕстдзинад-иу ын сбӕлвырд кӕн.

Рацыд 22:11

уӕд, фосмӕ йӕ цӕст чи дардта, уый Дунедарӕджы раз ард бахӕрӕд, цӕмӕй сбӕлвырд уа, кӕйдӕр фосмӕ кӕй нӕ фӕныхылдта, уый. Фосы хицау ын йӕ ардбахӕрд сфидар кӕнӕд, ӕмӕ йӕ уӕд фидын ницы хъӕудзӕн.

Ӕмбисӕндтӕ 30:9

цӕмӕй, куы фелгъӕд уон, уӕд Дӕ ма ферох кӕнон ӕмӕ афтӕ ма зӕгъон: «Дунедарӕг та чи у?»; цӕмӕй фыр мӕгуырӕй давын ма райдайон ӕмӕ Дын Дӕ ном ма сӕгад кӕнон.

Левит 5:1

Адӕймагӕн йӕ разы исты хабар ӕрцыди, йӕхи цӕстӕй цыдӕр федта ӕмӕ бӕлвырд исты зоны, фӕлӕ йӕхи ныхъхъус кодта, ӕвдисӕн нӕ ныллӕууыд ӕмӕ уымӕй тӕригъӕды бацыди, зӕгъгӕ, уӕд йӕ азымы тыххӕй хъуамӕ дзуапп ратта.

Матфей 23:18

Ноджы фӕзӕгъут: „Исчи нывондхӕссӕнӕй куы басомы кӕна, уӕд йӕ сомыйӕ баст нӕу, фӕлӕ нывондхӕссӕныл цы нывонд ис, уымӕй чи басомы кӕна, уый йӕ сомы хъуамӕ сӕххӕст кӕна“.