2 Азфыстытӕ 4:1 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Соломон сарӕзта ӕрхуы нывондхӕссӕн: йӕ дӕргъ уыди ссӕдз ӕлмӕрины, йӕ уӕрх дӕр — ссӕдз ӕлмӕрины, йӕ бӕрзӕнд та — дӕс ӕлмӕрины.

2 Азфыстытӕ 4:1 ပူးပေါင်းရင်းမြစ်များ

3 Паддзахӕдтӕ 8:22

Соломон ӕрлӕууыди Дунедарӕджы нывондхӕссӕны раз, израилӕгты дзыллӕйӕн сӕ разӕй, йӕ къухтӕ арвмӕ сдардта

3 Паддзахӕдтӕ 8:64

Дунедарӕджы Кувӕндоны раз цы ӕрхуы нывондхӕссӕн уыди, уый утӕппӕт нывӕндтӕ ӕрхӕссынӕн ӕгӕр гыццыл кӕй уыд, уымӕ гӕсгӕ Соломон тӕккӕ уыцы бон срухс кодта, Кувӕндоны раз цы кӕрт уыд, уымӕн йӕ астӕуккаг хай, ӕмӕ уым ӕрхаста иууылсудзинаг нывӕндтӕ, стӕй хойраджы хуынтӕ ӕмӕ фидыды нывӕндты фиу.

3 Паддзахӕдтӕ 9:25

Соломон Дунедарӕгӕн цы нывондхӕссӕн сарӕзта, ууыл афӕдз ӕртӕ хатты хаста иууылсудзинӕгтӕ ӕмӕ фидыды нывӕндтӕ, ноджы ма йыл сыгъта буд. Афтӕмӕй Кувӕндон арӕзт фӕци.

2 Азфыстытӕ 1:5

Фӕлӕ ӕрхуы нывондхӕссӕн, Урийы фырт, Хуры фырты фырт Бецалел кӕй сарӕзта, уый, лӕууыди Дунедарӕджы Цатыры раз. Соломон ӕмӕ, цы адӕм ӕрӕмбырд ис, уыдон иууылдӕр Дунедарӕгӕн бакуывтой.

2 Азфыстытӕ 15:8

Аса ацы рагуац куы фехъуыста Азариайӕ, пехуымпар Одеды фыртӕй, уӕд фӕныфсджын ис ӕмӕ, Иудӕ ӕмӕ Бениамины байзӕддӕгты зӕххытыл, стӕй, Ефремы хӕхбӕсты цы сахартӕ бацахста, уыдоны мидӕг цыдӕриддӕр ӕлгъагӕй уыди, уыдон аппарын кодта. Дунедарӕджы Кувӕндоны тыргъы раз цы нывондхӕссӕн уыди, уый дӕр ногӕй рацарӕзта.

2 Азфыстытӕ 29:18

Уӕд паддзах Езекиамӕ ацыдысты ӕмӕ йын загътой: «Дунедарӕджы Кувӕндон иууылдӕр ссыгъдӕг кодтам: иууылсудзинӕгты нывондхӕссӕн йе ’ппӕт мигӕнӕнтимӕ, кувӕггаг дзулты фынг йе ’ппӕт мигӕнӕнӕнтимӕ.

2 Азфыстытӕ 7:7

Соломон срухс скодта кӕрты астӕуккаг хай — Дунедарӕджы Кувӕндоны раз — ӕмӕ уым нывондӕн ӕрхаста иууылсудзинӕгтӕ ӕмӕ фидыды нывӕндты фиу, уымӕн ӕмӕ, Соломон кӕй сарӕзта, уыцы ӕрхуы нывондхӕссӕн утӕппӕт иууылсудзинӕгтӕ, хойраджы хуынтӕ ӕмӕ фидыды нывӕндты фиуӕн ӕгӕр гыццыл уыди.

2 Азфыстытӕ 8:12

Соломон Кувӕндоны тыргъы раз цы нывондхӕссӕн сарӕзта, ууыл Дунедарӕгӕн иууылсудзинаг нывӕндтӕ хӕссын райдыдта.