2 Азфыстытӕ 32:3 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³ уӕд йӕ дӕлдӕртӕ ӕмӕ йе ’фсады хицӕуттимӕ бауынаффӕ кодта, цӕмӕй, сахары ӕдде цы донгуырӕнтӕ уыди, уыдон сыджыты бын фӕкӕной, ӕмӕ йын уыдон баххуыс кодтой.

2 Азфыстытӕ 32:3 ပူးပေါင်းရင်းမြစ်များ

4 Паддзахӕдтӕ 18:20

Афтӕ дӕм кӕсы, ӕмӕ мӕ тохвӕлтӕрд ӕмӕ хъомысджын ӕфсады ныхмӕ дӕ афтид ныхӕсты фӕрцы исты сарӕхсдзынӕ? Кӕмӕй дӕ ис ахӕм ныфс, ӕмӕ мӕ ныхмӕ фӕуай?

4 Паддзахӕдтӕ 20:20

Езекиайӕн йӕ иннӕ хъуыддӕгтӕ, йе сгуыхтытӕ, цад ӕмӕ донвӕд куыд скодта ӕмӕ сахармӕ дон куыд бауагъта, уыдӕттӕ фыст ӕрцыдысты «Иудейаг паддзӕхты азфыстыты чиныджы».

2 Азфыстытӕ 30:2

Паддзах, йӕ барджынтӕ ӕмӕ Йерусалимы дзыллӕйы ӕппӕт минӕвӕрттӕ бауынаффӕ кодтой Куадзӕны бӕрӕгбон дыккаг мӕйы саразын.

2 Азфыстытӕ 32:2

Езекиа куы фехъуыста, Санхериб кӕй ӕрбабырста ӕмӕ Йерусалимы ныхмӕ схӕцынмӕ кӕй хъавы, уый,

2 Азфыстытӕ 32:30

Езекиа Гихоны донгуырӕны ратӕдзӕн сӕхгӕдта ӕмӕ йын йӕ дон зӕххы бынты Давиды сахары ныгуылӕйнаг фарсмӕ ’рбауагъта. Йӕ алы хъуыддаджы дӕр Езекиа уыди ӕнтыстджын.

2 Азфыстытӕ 32:4

Дзӕвгар адӕм ӕрӕмбырд ис ӕмӕ донгуырӕнтӕ иууылдӕр сыджыты бын фӕкодтой, стӕй, бӕстӕйы цы къададон калди, уый дӕр. Уыдон дзырдтой: «Ассирийы паддзӕхтӕ ардӕм ӕрбацӕудзысты, ӕмӕ сын дон парахатӕй цӕмӕн хъуамӕ ныууадзӕм?»

Ӕмбисӕндтӕ 15:22

Уынаффӕгӕнӕг куынӕ уа, уӕд хъуыддаг нӕ сырӕздзӕн, уынаффӕгӕнджытӕ бирӕ куы уой, уӕд алцыдӕр къухы бафтдзӕнис.

Ӕмбисӕндтӕ 20:18

Фӕндтӕ кӕнгӕйӕ, искӕимӕ уынаффӕ кӕн; тӕрхӕтты фӕстӕ тохы бацу.

Ӕмбисӕндтӕ 24:6

Тохы куы бацӕуай, уӕд уынаффӕтӕм хъус, уынаффӕгӕнджытӕ бирӕ кӕм уа, уым — уӕлахиз.

Исайа 40:13

Дунедарӕджы Удӕн фӕндагаразӕг чи уыд? Чи Йын уыди уынаффӕгӕнӕг? Ахуыр Ӕй чи кодта?

Наум 3:14

Дон сис дӕхицӕн ӕмӕ йӕ ӕрӕфснай, уымӕн ӕмӕ дыл знӕгтӕ ӕрхъула кӕндзысты. Дӕ гӕнӕхтӕм дӕр базил! Ӕлыг змӕнт, агуыридуртӕ араз, сфидар кӕн дӕ систӕ!

Ромӕгтӕм 11:34

«Дунедарӕджы зонд чи базыдта? Чи Йын уыди уынаффӕгӕнӕг?