2 Азфыстытӕ 31:12 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

^12-13 Хуынтӕ иууылдӕр, алы исбоны дӕсӕймаг хӕйттӕ ӕмӕ, цы снывонд чындӕуыд, уыдӕттӕ уырдӕм хаст ӕрцыдысты. Сӕйраг уагдар сын уыди левит Конани, йӕ хӕдивӕг та — йе ’фсымӕр Шими. Уыдоны дӕлбар паддзах Езекиа ӕмӕ Дунедарӕджы Кувӕндоны уагдар Азариа цӕстдарджытӕй сӕвӕрдтой Йехиел, Азазиа, Нахат, Асаел, Иеримот, Йозавад, Елиел, Исмахиа, Махат ӕмӕ Бенайайы.

2 Азфыстытӕ 31:12 ပူးပေါင်းရင်းမြစ်များ

4 Паддзахӕдтӕ 12:15

Бӕрны лӕгтӕй дзуапп нӕ домдтой, уымӕн ӕмӕ уыдон ӕууӕнкджын адӕм уыдысты.

2 Азфыстытӕ 31:19

Аароны байзӕддӕгтӕй, сауджынтӕй, сӕ сахарты алыварс сын цы зӕххы хӕйттӕ уыд, уымыты чи цард, уыдоны тыххӕй алы сахары дӕр номхыгъдӕй снысан кодтой бӕрнон лӕгты, цӕмӕй хӕйттӕ уарой сауджынты бинонты нӕлгоймӕгтӕн ӕмӕ, левитты хӕдзарвӕндӕгты номхыгъдты фыст чи уыди, уыдонӕн.

2 Азфыстытӕ 35:9

Левитты хистӕртӕ дӕр, Конани ӕмӕ йе ’фсымӕртӕ Шемайа ӕмӕ Нетанел, ноджы ма Хашавиа, Йеиел ӕмӕ Йозавад, левиттӕн Куадзӕны нывӕндтӕ ’рхӕссынӕн балӕвар кодтой фондз мин сӕры лыстӕг фосӕй, фондзсӕдӕ сӕры та — стуртӕ.

Неемиа 10:39

Уымӕн ӕмӕ уыцы уӕттӕм израилӕгты ӕмрӕнхъ левиттӕ дӕр хъуамӕ хӕссой хуынтӕ: дзул, сӕн ӕмӕ сой. Уым сты кувӕн мигӕнӕнтӕ, лӕггадгӕнӕг сауджынтӕ, дуаргӕстӕ ӕмӕ зарӕггӕнджытӕ дӕр. Мах нӕ Хуыцауы хӕдзар нӕ ныууадздзыстӕм.