2 Азфыстытӕ 30:23 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²³ Адӕмы ма бафӕндыди бӕрӕгбоныл иу къуыри бафтауын, ӕмӕ та уыцы къуыри дӕр хъӕлдзӕгӕй арвыстой.

2 Азфыстытӕ 30:23 ပူးပေါင်းရင်းမြစ်များ

3 Паддзахӕдтӕ 8:65

Соломон Дунедарӕджы раз куывд скодта. Ӕгас Израил, Лево-Хаматӕй суанг Мысыры арӕны раз цы цӕугӕдон калд, уый онг чи царди, уыдон иууылдӕр — тынг бирӕ дзыллӕ — ӕрӕмбырд сты уыцы куывдмӕ ӕмӕ фӕминас кодтой иннабонӕй иннабонмӕ.

2 Азфыстытӕ 29:30

Паддзах Езекиа ӕмӕ йӕ барджынтӕ левиттӕн загътой, цӕмӕй Дунедарӕджы стауой Давид ӕмӕ зонынджын Асафы ныхӕстӕй. Ӕмӕ уыдон дӕр хъӕлдзӕгӕй ныззарыдысты Дунедарӕджы кадӕн, бакуывтой Йын ӕмӕ зӕххыл ныддӕлгом сты.

2 Азфыстытӕ 30:24

Уымӕн ӕмӕ ма сын Иудейы паддзах Езекиа мин галы раттын кодта, авд мины та — лыстӕг фос. Барджынтӕ дӕр сын мин галы рахицӕн кодтой, дӕс мины та — лыстӕг фос. Сауджынтӕй дӕр ма бирӕтӕ сӕхи ссыгъдӕг кодтой.

2 Азфыстытӕ 7:9

Ӕстӕм бон бӕрӕгбонӕн скодтой кӕрон. Нывондхӕссӕн срухс кӕныныл ӕдӕппӕтӕй ацыди авд боны, уый фӕстӕ та авд боны — бӕрӕгбоныл.

Неемиа 8:17

Уацарӕй ӕрбаздӕхӕг адӕмы дзырддзӕугӕтӕ халагъудтӕ сарӕзтой ӕмӕ халагъудты цардысты. Сӕ цинӕн кӕрон нал уыди, уымӕн ӕмӕ Нуны фырт Йешуайы бонтӕй уыцы боны онг израилӕгтӕ афтӕ никуыуал бакодтой.