2 Азфыстытӕ 3:15 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁵ Кувӕндоны раззаг фарс Соломон сарӕзта дыууӕ цӕджындзы, сӕ алкӕцыйы бӕрзӕнд дӕр — дӕс ӕмӕ ссӕдз ӕлмӕрины. Сӕ цъуппытыл ӕрсадзынӕн та — фӕйнӕ ӕфтуаны, алкӕмӕн дӕр дзы йӕ бӕрзӕнд — фондз ӕлмӕрины.

2 Азфыстытӕ 3:15 ပူးပေါင်းရင်းမြစ်များ

4 Паддзахӕдтӕ 25:13

Халдейӕгтӕ ныцъцъӕл, ныммур кодтой Дунедарӕджы Кувӕндоны ӕрхуы цӕджындзтӕ ӕмӕ уыдонӕн сӕ бынӕнцайӕнтӕ, стӕй ӕрхуы денджыз. Ӕрхуы иууылдӕр Вавилонмӕ аластой.

1 Азфыстытӕ 18:8

Адад-Езеры сахартӕ Тивхат ӕмӕ Куны тынг бирӕ ӕрхуы ӕрбатӕлӕт кодта Давид, ӕмӕ дзы фӕстӕдӕр Соломон Кувӕндонӕн ӕрхуы денджыз, цӕджындзтӕ ӕмӕ алыхуызон ӕрхуы мигӕнӕнтӕ сарӕзта.

2 Азфыстытӕ 3:16

Ноджы сарӕзта, Кувӕндоны агъуысты цы рӕхыстӕ уыди, уыдоны халдихтӕ ӕмӕ сӕ ӕфтуантыл бафидар кодта. Скодта ма гранат фӕткъуыйы нывӕфтыдтӕ ӕмӕ сӕ ныффидар кодта рӕхыстыл.