2 Азфыстытӕ 28:4 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁴ Кувӕн къуыбыртӕ ӕмӕ бӕрзӕндтыл, стӕй алы къабузджын бӕласы бын хаста нывӕндтӕ ӕмӕ сыгъта хӕрздӕфгӕнӕнтӕ.

2 Азфыстытӕ 28:4 ပူးပေါင်းရင်းမြစ်များ

Райдиан 31:54

Стӕй Йаков уым, хохы сӕрыл, нывонд ӕрхаста ӕмӕ йӕ хӕстӕджытӕм фӕдзырдта. Фӕминас кодтой ӕмӕ уыцы ӕхсӕв уым баззадысты.

3 Паддзахӕдтӕ 14:2

Ӕмӕ Йоровам йӕ бинойнагӕн загъта: «Дӕ уӕлӕ ӕндӕр дарӕс скӕн, мӕ ус дӕ, уый куыд ничи базона, афтӕ ӕмӕ фӕцу Силоммӕ. Уым цӕры пехуымпар Ахийа; ацы адӕмӕн паддзах кӕй суыдзынӕн, уый мын рагацау загъта.

3 Паддзахӕдтӕ 14:23

Алы бӕрзонд хохыл ӕмӕ алы къабузджын бӕласы бын арӕзтой кувӕн къуыбыртӕ, табуйаг дуртӕ ӕмӕ Ашерӕйы цӕджындзтӕ.

4 Паддзахӕдтӕ 16:4

Кувӕн къуыбыртӕ ӕмӕ бӕрзӕндтыл, стӕй алы къабузджын бӕласы бын ӕргӕвста кусӕрттӕгтӕ ӕмӕ сыгъта буд.

2 Азфыстытӕ 15:17

Кӕд Израилы зӕххыл кувӕн къуыбыртӕ нӕ аивта, уӕддӕр цӕрӕнбонты тынг ӕнувыд уыди Дунедарӕгыл.

2 Азфыстытӕ 28:19

Афтӕ фегад кодта Дунедарӕг Иудейы адӕмы, Израилы паддзах Ахаз се ’нӕуаг митыл кӕй бафтыдта ӕмӕ Дунедарӕгыл иузӕрдион кӕй нал уыди, уый тыххӕй.

2 Азфыстытӕ 28:25

Иудейы алы сахары дӕр Ахаз сарӕзта кувӕн къуыбыртӕ, цӕмӕй сыл ӕцӕгӕлон хуыцӕуттӕн нывӕндтӕ хӕссой, ӕмӕ уыдӕттӕй мӕсты кодта Дунедарӕджы, йӕ фыдӕлты Хуыцауы.

Левит 26:30

Уӕ кувӕн къуыбыртӕ уын ныппырх кӕндзынӕн, уӕ будсудзӕн нывондхӕссӕнтӕ уын ныззыгуым кӕндзынӕн; уӕ мӕрдтӕ уын уӕ гуымирыты сӕстытыл ныккалдзынӕн ӕмӕ уыл ӕлгъ кӕндзынӕн.

Михей 1:5

Ӕппӕт адӕттӕ ’рцӕудзысты Йаковы ӕнӕхуыцау миты, Израилы тӕригъӕдты аххосӕй. Самари — мӕнӕ ис Йаковы тӕригъӕд! Йерусалим — мӕнӕ ис Иудейы уаз къуыпп!