2 Азфыстытӕ 28:11 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹¹ Ӕрбайхъусут мӕм уӕдӕ! Уӕ уацайраг ӕрвадӕлты се ’ппӕты дӕр суӕгъд кӕнут, уымӕн ӕмӕ уӕм Дунедарӕджы маст ссыгъд».

2 Азфыстытӕ 28:11 ပူးပေါင်းရင်းမြစ်များ

2 Азфыстытӕ 28:12

Уӕд, хӕсты быдырӕй чи раздӕхти, уыдоны размӕ Ефремы хӕдзарвӕндаджы раздзӕуджытӕй иу къорд лӕджы рацыди: Йохананы фырт Азариа, Мешиллемоты фырт Варахи, Шаллумы фырт Езекиа ӕмӕ Хадлайы фырт Амаса. Уыдон дӕр сӕ азымджын кодтой,

2 Азфыстытӕ 28:8

Израилӕгтӕ уацары се ’фсымӕртӕй уацары райстой сылгоймӕгтӕ ӕмӕ сывӕллӕтты — ӕдӕппӕтӕй дыууӕсӕдӕ мины. Бирӕ мулк сӕ рассывтой ӕмӕ се ’фтиаг Самаримӕ арвыстой.

Езра 10:14

Фӕлтау ӕппӕт адӕмы бӕсты нӕ хицӕуттӕ ӕрбамбырд уӕнт, ӕмӕ, ӕндӕрмыггаг устытӕ чи ракуырдта, уыдон иууылдӕр нысангонд рӕстӕг ардӕм цӕуӕнт, алкӕмӕн дӕр дзы йемӕ йӕ сахары хистӕртӕ ӕмӕ тӕрхонгӕнджытӕ, афтӕмӕй, цалынмӕ нӕ уыцы хъуыддаджы тыххӕй Хуыцауы карз фыдӕхӕй схицӕн уӕм, уӕдмӕ».

Псаломтӕ 88:16

Тӕхудиаг — уӕлахизгӕнӕг адӕм! Дунедарӕг, сӕ алыварс — Дӕ рухс.

Исайа 58:6

Мӕнӕ уын, Ӕз цы комдарӕн равзӕрстон, уый: уацайрӕгтӕн сӕ хъадамантӕ ныссӕтт, се ’фсондз сын сис сӕ бӕрзӕйӕ, ӕфхӕрд адӕмӕн ратт сӕрибар ӕмӕ макӕйуал бассӕнд.

Матфей 5:7

Тӕхудиаг сты баронтӕ — Хуыцау сын сӕхицӕн дӕр ныббардзӕн.

Матфей 7:2

уымӕн ӕмӕ, иннӕтӕн куыд тӕрхон кӕнат, афтӕ уын Хуыцау уӕхицӕн дӕр стӕрхон кӕндзӕн; уӕхӕдӕг цы барӕнӕй барат, уыцы барӕнӕй сбардзысты сымахӕн дӕр.

Йаков 2:13

Хатыргӕнаг чи нӕу, уымӕн тӕрхондоны хатыр нӕ уыдзӕн; хорзӕхджынӕн тӕрхонӕй тас нӕу.