2 Азфыстытӕ 26:21 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²¹ Озиа йӕ амӕлӕты бонмӕ йӕ хъотырӕй не сдзӕбӕх ис. Царди хибарӕй, хицӕн хӕдзары, ӕмӕ йын Кувӕндонмӕ цӕуыны бар нал уыди. Йӕ фырт Йотам паддзахы галуанӕн уыди уагдар, бӕстӕйы адӕмӕн та хицауиуӕг кодта.

2 Азфыстытӕ 26:21 ပူးပေါင်းရင်းမြစ်များ

4 Паддзахӕдтӕ 7:3

Уыцы заман сахары кулдуары ӕдде лӕууыди цыппар хъотырджыны ӕмӕ сӕхимидӕг дзырдтой: «Ам цы боны хорзмӕ кӕсӕм нӕ мӕлӕтмӕ?

2 Азфыстытӕ 26:20

Алчер Азариа ӕмӕ йӕм иннӕ сауджынтӕ куы бакастысты, уӕд ын йӕ ныхыл хъотыр федтой ӕмӕ йӕ рӕвдз уырдыгӕй ӕддӕмӕ ракодтой. Йӕхӕдӕг дӕр тагъд кодта рацӕуыныл, уымӕн ӕмӕ йӕ Дунедарӕг ӕрцавта.

2 Азфыстытӕ 27:1

Йотам паддзах куы сси, уӕд ыл цыди фондз ӕмӕ ссӕдз азы, ӕмӕ Йерусалимы паддзахиуӕг фӕкодта ӕхсӕрдӕс азы. Йӕ мад Йеруша уыди Цадокы чызг.

Левит 13:46

Цалынмӕ йыл ӕфхӕлд уа, уӕдмӕ ӕнӕсыгъдӕг уыдзӕн. Ӕнӕсыгъдӕг кӕй у, уымӕ гӕсгӕ хъуамӕ цӕра хибарӕй, рӕсӕнуаты ӕдде.

Левит 14:8

Сыгъдӕггонд чи цӕуы, уый-иу йӕ дарӕс ныхсӕд, йӕ хил иууылдӕр адасӕд, йӕхи цынайӕд ӕмӕ уӕд уыдзӕни сыгъдӕг. Уый фӕстӕ йӕ бон уыдзӕни рӕсӕнуатмӕ бацӕуын, ӕцӕг ма-иу авд боны дӕргъы баззайӕд йӕ цатыры ӕдде.

Нымӕцтӕ 12:15

Ӕмӕ рӕсӕнуаты ӕдде фӕкодтой Мариамы авд боны ӕмгъуыдмӕ. Йе ’рбаздӕхынмӕ израилӕгтӕ сӕ фӕндагыл нӕ ацыдысты.

Нымӕцтӕ 5:4

Ӕмӕ израилӕгтӕ афтӕ бакодтой: ахӕм адӕймӕгты рӕсӕнуатӕй арвыстой. Дунедарӕг Моисейӕн куыд загъта, афтӕ бакодтой израилӕгтӕ.