2 Азфыстытӕ 24:12 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹² Уый фӕстӕ-иу паддзах ӕмӕ Йехода уыцы ӕхца, Дунедарӕджы хӕдзары куыст кӕй бӕрны уыди, уыцы лӕгтӕм радтой, ӕмӕ-иу дзы уыдон баххуырстой дуркӕрдджытӕ ӕмӕ хъӕддӕсныты, куырдтӕ ӕмӕ ӕрхуыгуырдты, цӕмӕй Дунедарӕджы Кувӕндон сцалцӕг кӕной.

2 Азфыстытӕ 24:12 ပူးပေါင်းရင်းမြစ်များ

2 Паддзахӕдтӕ 5:11

Тиры паддзах Хирам Давидмӕ йӕ минӕвӕртты ӕрбарвыста, семӕ — кедр хъӕдӕрмӕг, ноджы — дурамайджытӕ ӕмӕ хъӕддӕснытӕ, ӕмӕ Давидӕн галуан сарӕзтой.

3 Паддзахӕдтӕ 5:15

Уыдонӕй уӕлдай ма Соломонмӕ хӕххон дурсӕттӕнты куыста ӕвдай мин дурхӕссӕджы ӕмӕ ӕстай мин дурлӕгъзгӕнӕджы.

2 Азфыстытӕ 24:11

Левиттӕ-иу асыкк паддзахы барджынтӕм куы ’рбахастой ӕмӕ-иу дзы уыдон бирӕ ӕхца куы федтой, уӕд-иу паддзахы нымӕрдар ӕмӕ алчеры цӕстдарӕг ӕрбацыдысты, ӕхца-иу асыккӕй ӕркалдтой ӕмӕ-иу ӕй фӕстӕмӕ йӕ бынатмӕ ахастой. Бонӕй-бонмӕ афтӕ кодтой ӕмӕ сӕм тынг бирӕ ӕхца ӕрӕмбырд ис.

2 Азфыстытӕ 24:13

Кусджытӕ сӕ куыстмӕ бавнӕлдтой, ӕмӕ Хуыцауы хӕдзар биноныг цалцӕггонд ӕмӕ фидаргонд ӕрцыди.

2 Азфыстытӕ 24:27

Иоасы фыртты хабӕрттӕ, йӕ ныхмӕ цы бирӕ рагуацтӕ загъд ӕрцыди, уыдон, ӕмӕ Хуыцауы хӕдзар рацаразыны хабӕрттӕ фыст сты «Паддзӕхты чиныджы таурӕгъты». Йӕ фӕстӕ паддзах сси йӕ фырт Амациа.

2 Азфыстытӕ 34:8

Йӕ паддзахиуӕджы ӕстдӕсӕм аз, бӕстӕ ӕмӕ Хуыцауы хӕдзар ссыгъдӕг кӕныны фӕстӕ, Ацалиайы фырт Шафанӕн, стӕй сахары хицау Маасеа ӕмӕ Йоахазы фырт Йоахӕн, йӕ азфыссӕгӕн, бафӕдзӕхста йӕ Хуыцауы хӕдзар ногӕй рацаразын.