2 Азфыстытӕ 23:8 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁸ Левиттӕ ӕмӕ ӕппӕт иудейӕгтӕ, сауджын Йехода цыдӕриддӕр бафӕдзӕхста, уыдон иууылдӕр сӕххӕст кодтой. Алчидӕр дзы фӕдзырдта йӕ адӕммӕ: сабаты хъалагъур хӕссыны фӕдыл чи ӕрбацыд, стӕй, йӕ хъалагъуры рад кӕмӕн ахицӕн, уыдоны дӕр Йехода нӕ бауагъта ацӕуын.

2 Азфыстытӕ 23:8 ပူးပေါင်းရင်းမြစ်များ

4 Паддзахӕдтӕ 11:9

Сӕдӕйыхицӕуттӕ бакодтой, сауджын Йехода сын куыд бафӕдзӕхста, афтӕ. Алчидӕр сӕ ӕрӕмбырд кодта йӕ адӕмы, сабаты хъалагъур хӕссыны тыххӕй кӕрӕдзийы ивӕг къордты, ӕмӕ афтӕмӕй Йеходамӕ ӕрбацыдысты.

1 Азфыстытӕ 25:25

Ӕстдӕсӕм хатт схаудта Хананийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

1 Азфыстытӕ 26:26

Ацы Шеломот ӕмӕ йе ’фсымӕртӕ сӕ цӕст дардтой, паддзах Давид, мыггӕгты хистӕртӕ, миныхицӕуттӕ, сӕдӕйыхицӕуттӕ ӕмӕ ӕфсады хицӕуттӕ кӕй рауӕлдай кодтой, уыцы ӕппӕт уаз хӕзнатӕм.

1 Азфыстытӕ 9:25

Се ’рвадӕлтӕ цардысты хъӕуты ӕмӕ-иу сӕм къордгай ӕрбацыдысты къуырийы ӕмгъуыдмӕ, семӕ балӕггад кӕнынмӕ.

2 Азфыстытӕ 23:7

Левиттӕ-иу ӕд хӕцӕнгӕрзтӕ паддзахы алыварс ӕрлӕууӕнт. Кувӕндонмӕ чидӕриддӕр бацӕуа, уый амарын хъӕуы. Паддзах кӕдӕмфӕнды куы фӕцӕйцӕуа — йӕ разы-иу лӕуут».

2 Азфыстытӕ 23:9

Сӕдӕйыхицӕуттыл байуӕрста, паддзах Давидӕн Хуыцауы хӕдзары цы хотыхтӕ ӕфснайд уыди, уыдон: ӕрцытӕ, стыр ӕмӕ гыццыл уартытӕ.