2 Азфыстытӕ 20:36 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³⁶ Иумӕ наутӕ аразыныл баныхас кодтой, цӕмӕй сӕ Таршишмӕ ӕрвитой. Ӕмӕ Ецион-Геверы наутӕ сарӕзтой.

2 Азфыстытӕ 20:36 ပူးပေါင်းရင်းမြစ်များ

3 Паддзахӕдтӕ 10:22

Паддзахмӕ уыдис, Таршишмӕ цӕуынхъом чи уыд, ахӕм наутӕ, ӕмӕ йын уыдон Хирамы денджызонтимӕ ӕртӕ азӕй ӕртӕ азмӕ ластой сыгъзӕрин, ӕвзист ӕмӕ пылыстӕг, стӕй маймулитӕ ӕмӕ мӕлхъытӕ.

3 Паддзахӕдтӕ 22:48

Иосафат саразын кодта Таршишмӕ цӕуӕг базарадон наутӕ, йӕ зӕрды сӕ уыд Офирмӕ арвитын, уырдыгӕй сыгъзӕрин ӕрбаласыны тыххӕй. Фӕлӕ Офирмӕ нал ацыдысты — ныппырх ын сты Ецион-Геверы.

3 Паддзахӕдтӕ 9:26

Сырх денджызы былгӕрон Ецион-Геверы, Елотмӕ хӕстӕг, Едомы зӕххыл, Соломон арӕзта наутӕ.

2 Азфыстытӕ 20:37

Уый тыххӕй марешайаг Елиезер, Додавайы фырт, Иосафаты ныхмӕ рагуацы хуызы загъта: «Ахазиаимӕ ӕмдзӕхдон кӕй сдӕ, уый тыххӕй дын Дунедарӕг дӕ хъуыддаг фехалдзӕн». Ӕмӕ Иосафаты наутӕ Таршишмӕ нал ацыдысты — ныппырх сты.

2 Азфыстытӕ 8:17

Уӕд Соломон ацыди Ецион-Гевермӕ ӕмӕ, денджызы былгӕрон чи ис, уыцы Елоты сахармӕ, Едомы зӕхмӕ.

2 Азфыстытӕ 9:21

Паддзахмӕ уыди, Хирамы адӕмимӕ Таршишмӕ чи цыди, ахӕм наутӕ, ӕмӕ йын уыдон Хирамы наудзогтимӕ ӕртӕ афӕдзы иу хатт ластой сыгъзӕрин, ӕвзист ӕмӕ пылыстӕг, стӕй маймулитӕ ӕмӕ мӕлхъытӕ.

Нымӕцтӕ 33:35

Рараст сты Авронайӕ ӕмӕ рӕсӕнуат скодтой Ецион-Геверы.