2 Азфыстытӕ 12:14 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁴ Паддзах Роховам ӕвзӕр митӕ кодта, уымӕн ӕмӕ Дунедарӕджы фӕндон ӕххӕст кӕныныл нӕ архайдта.

2 Азфыстытӕ 12:14 ပူးပေါင်းရင်းမြစ်များ

3 Паддзахӕдтӕ 14:22

Иудейӕгтӕ, Дунедарӕгӕн ӕнӕуынон цы у, уыдӕттӕ кодтой, ӕмӕ Йӕ сӕ тӕригъӕдтӕй сӕ фыдӕлтӕй тынгдӕр мӕсты кодтой.

1 Азфыстытӕ 29:18

О Дунедарӕг, нӕ фыдӕлтӕ Авраам, Исаак ӕмӕ Израилы Хуыцау! Мыггагмӕ бахъахъхъӕн Дӕ адӕмӕн йӕ ацы зӕрдӕйы уаг, цӕмӕй Дыл ма сивой сӕ зӕрдӕ.

2 Азфыстытӕ 11:16

Сауджынтӕ ӕмӕ левиттӕй уӕлдай Израилы хӕдзарвӕндӕгты ’хсӕн Дунедарӕгӕн, Израилы Хуыцауӕн, зӕрдиагӕй лӕггад кӕнын чи сфӕнд кодта, уыдон дӕр Йерусалиммӕ цыдысты ӕмӕ уым Дунедарӕгӕн, сӕ фыдӕлты Хуыцауӕн, хастой нывӕндтӕ.

2 Азфыстытӕ 19:3

Ӕниу, хорзӕй дӕр цыдӕртӕ сарӕзтай, уымӕн ӕмӕ Иудейы зӕххыл Ашерӕйы цӕджындзтӕ акалдтай, Дунедарӕджы агуырдтай зӕрдиагӕй».

2 Азфыстытӕ 30:19

Езекиа уыдоны тыххӕй скуывта: «Хӕрзаудӕнгӕнаг Дунедарӕг ныххатыр кӕнӕд, Дунедарӕгмӕ, йӕ фыдӕлты Хуыцаумӕ, ӕппӕт зӕрдӕйӕ чи тырны, фӕлӕ Кувӕндоны ӕгъдаумӕ гӕсгӕ йӕхи ссыгъдӕг кӕнын кӕмӕн нӕ бантысти, уыдонӕн!»

Псаломтӕ 57:7

О Хуыцау, сӕ дӕндӕгтӕ сын базгъал! О Дунедарӕг, домбӕйттӕн се ’фсӕртӕ ныппырх кӕн!

Псаломтӕ 78:8

Нӕ фыдӕлты тӕригъӕдтӕ махӕн фидинаг ма фӕкӕн, Дӕ хорзӕх ныл ӕвӕстиатӕй ӕруадз, науӕд байсысти нӕ хъару.

Исайа 45:19

Сусӕгӕй кӕнӕ талынг рӕтты никуы дзырдтон. Йаковы хӕдзарвӕндагӕн нӕ дзырдтон, дзӕгъӕлы Мӕ агурут, зӕгъгӕ. Ӕз Дунедарӕг дӕн, рӕстдзинад Чи дзуры ӕмӕ ӕцӕгдзинад Чи ӕргом кӕны, Уый.

Езекиел 33:31

Ӕрбацӕудзысты дӕм къордтӕ-къордтӕй, ӕрбаддзысты дӕ разы ӕмӕ дын хъусдзысты дӕ ныхӕстӕм, фӕлӕ сӕ не ’ххӕст кӕндзысты; дзыхӕй дын козбау митӕ кӕндзысты, сӕ зӕрдӕ та агурдзӕни пайда.

Матфей 7:7

Курут ӕмӕ уын ратдзысты, агурут ӕмӕ ссардзыстут, хойут, ӕмӕ уын байгом кӕндзысты.

1 Коринфӕгтӕм 15:58

Уӕдӕ, мӕ уарзон ӕфсымӕртӕ, ут фидар, ӕнӕфӕцудгӕ, иудадзыг ӕмӕ зӕрдиагӕй кусут Бардарӕгӕн; уӕ фӕллойы тыххӕй Бардарӕгӕй ӕнӕ хӕрзиуӕгӕй кӕй нӕ баззайдзыстут, уый зонут.

1 Коринфӕгтӕм 16:13

Къӕрцхъус ут, фидар уырнындзинад уӕм уӕд, ӕхсарджын ӕмӕ хъӕддых ут.

Фӕлхатгонд ӕгъдау 5:29

Тӕхуды, сӕ зӕрдӕты ӕцӕгдӕр тас куы уаид Мӕнӕй, ӕмӕ Мын кӕддӕриддӕр Мӕ фӕдзӕхстытӕ куы ӕххӕст кӕниккой, цӕмӕй сӕхӕдӕг дӕр ӕмӕ сӕ байзӕддӕгтӕ дӕр амондджын уой мыггагмӕ!

1 Паддзахӕдтӕ 7:3

Самуел сын загъта: «Кӕд зӕрдиагӕй раздӕхтыстут Дунедарӕгмӕ, уӕд ӕцӕгӕлон хуыцӕутты ӕмӕ Астартӕты уӕхицӕй аиуварс кӕнут, уӕ зӕрдӕ Дунедарӕгӕн раттут ӕмӕ иунӕг Уымӕн лӕггад кӕнут, ӕмӕ уӕ Уый филистимӕгтӕй фервӕзын кӕндзӕн».