2 Азфыстытӕ 11:13 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹³ Израилы зӕххыл сауджынтӕ ӕмӕ левиттӕй чидӕриддӕр уыди, уыдон алы рӕттӕй Роховаммӕ ӕрӕмбырд сты.

2 Азфыстытӕ 11:13 ပူးပေါင်းရင်းမြစ်များ

3 Паддзахӕдтӕ 12:17

Ӕрмӕст, Иудӕйы хӕдзарвӕндаджы сахарты цы израилӕгтӕ царди, уыдонӕн паддзахӕй баззади Роховам.

3 Паддзахӕдтӕ 15:17

Иуахӕмы Израилы паддзах Бааса бабырста Иудеймӕ ӕмӕ уым Рамайы сахары аразын райдыдта фидар, цӕмӕй, ууылты Иудейы паддзах Асамӕ цы фӕндаг цӕуы, уый ӕрӕхгӕна ӕмӕ йыл дыууӕрдӕм дӕр цӕуӕн мауал уа.

4 Паддзахӕдтӕ 4:42

Иу чидӕр ӕрбацыди Баал-Шалишайӕ, Хуыцауы ӕвзӕрст лӕгӕн ӕрбахаста хъӕбӕрхоры кӕрдзынтӕ, хоры сӕрӕй конд, стӕй хоры цӕттӕ ӕфсиртӕ. Елисей та йӕ лӕггадгӕнӕгӕн зӕгъы: «Адӕмӕн ратт, ӕмӕ хӕрой!»

2 Азфыстытӕ 11:12

Алы сахар дӕр сифтонг кодта уартытӕ ӕмӕ ӕрцытӕй, хорз сӕ сфидар кодта. Афтӕмӕй Иудӕ ӕмӕ Бениамины зӕххытӕ баззадысты йӕ дӕлбар.

2 Азфыстытӕ 11:14

Левиттӕ ныууагътой сӕ фосы хизӕнуӕттӕ, сӕ исбон ӕмӕ ӕрцыдысты Иудеймӕ, Йерусалиммӕ, уымӕн ӕмӕ сӕ Йоровам ӕмӕ йӕ фырттӕ Дунедарӕгӕн лӕггад кӕнын нал уагътой.

2 Азфыстытӕ 16:1

Асайы паддзахиуӕджы ӕртын ӕхсӕзӕм аз Израилы паддзах Бааса Иудейы ныхмӕ хӕстмӕ рацыди. Рамайы сахарӕй фидар аразын райдыдта, цӕмӕй Иудейы паддзах Асайы зӕхмӕ бацӕуӕн дӕр мауал уа, уырдыгӕй та — ӕддӕмӕ рацӕуӕн.

2 Азфыстытӕ 23:2

Уыдон Иудейыл ӕрзылдысты ӕмӕ ӕппӕт иудейаг сахартӕй левиттӕ ӕмӕ Израилы мыггӕгты хистӕртӕм фӕсидтысты. Ӕмӕ уыдон Йерусалиммӕ куы ’рбацыдысты,

2 Азфыстытӕ 30:1

Езекиа фӕсидти ӕгас Израил ӕмӕ Иудейы цӕрджытӕм. Ефрем ӕмӕ Менассиайы мыггӕгтӕм дӕр фыстӕджытӕ арвыста, фӕхуыдта сӕ Йерусалиммӕ, Дунедарӕджы Кувӕндонмӕ — Дунедарӕджы, Израилы Хуыцауы, Куадзӕнмӕ.

Йеремиа 23:38

Дунедарӕджы рагуац, зӕгъгӕ, ма уӕ дзыхӕй куы ссӕуа, уӕд та Дунедарӕг афтӕ зӕгъы: сымах Дунедарӕджы рагуац, зӕгъгӕ, кӕй дзурут, кӕд ӕмӕ уын Ӕз бафӕдзӕхстон, Дунедарӕджы номӕй пехуымпариуӕг мауал кӕнут, зӕгъгӕ,

Фӕлхатгонд ӕгъдау 12:19

Хъусыс, дӕ зӕххыл куы ӕрцӕрай, уӕд макуы ныууадз рохуаты левиты.

Нуны фырт Йешуа 22:19

Кӕд уӕ зӕххы хай фӕчъизи ис, уӕд рацӕут Дунедарӕджы зӕххы хаймӕ — Йӕ Уаз Цӕрӕн кӕм лӕууы, уырдӕм! Мах цур хай райсут уӕхицӕн, фӕлӕ Дунедарӕджы ныхмӕ ма цӕут ӕмӕ мах дӕр азымаг ма кӕнут, уӕхицӕн Дунедарӕджы, нӕ Хуыцауы, нывондхӕссӕнӕй уӕлдай ӕндӕр нывондхӕссӕн кӕй аразут, уымӕй.