1 Паддзахӕдтӕ 7:2 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

² Фидыды Чырын Кирйат-Иаримы куы баззади, уӕдӕй рацыди ссӕдз азы. Израилы адӕм иууылдӕр, кӕугӕйӕ, Дунедарӕгмӕ се ’ргом аздӕхтой.

1 Паддзахӕдтӕ 7:2 ပူးပေါင်းရင်းမြစ်များ

1 Азфыстытӕ 13:3

ӕмӕ нӕхимӕ рахӕссӕм нӕ Хуыцауы Фидыды Чырын, уымӕн ӕмӕ йыл Саулы заман нӕ сагъӕс кодтам».

1 Азфыстытӕ 13:5

Афтӕмӕй, Кирйат-Иаримӕй Хуыцауы Фидыды Чырын ӕрбахӕссыны охыл Давид ӕрӕмбырд кодта ӕппӕт израилӕгты дӕр — Мысыры арӕныл Шихоры цӕугӕдонӕй райдайгӕйӕ Ливаны дӕлвӕзмӕ цӕгатӕрдыгӕй, Хаматы сахарӕй, бахизӕны онг чидӕриддӕр царди, уыдоны.

Йеремиа 26:20

(Дунедарӕджы номӕй пехуымпариуӕг кодта Шемайы фырт Уриа дӕр, Кирйат-Иаримы цӕрӕг. Уый дӕр ацы сахар ӕмӕ ацы зӕххы тыххӕй, Йеремиа цыдӕриддӕр дзуры, уыдӕттӕ дзырдта рагуацты хуызы.

Йеремиа 3:13

Ӕрмӕст дӕ фыдракӕндыл басӕтт, уымӕн ӕмӕ Дунедарӕджы, дӕ Хуыцауы, ныхмӕ сыстадтӕ, алы къабузджын бӕласы бын ӕцӕгӕлӕттӕн рӕвдауӕн митӕ кодтай ӕмӕ Мын Мӕ ныхасмӕ нӕ хъуыстай“, — зӕгъы Дунедарӕг.

Йеремиа 31:9

Ардыгӕй цӕссыгкалгӕ цыдысты, фӕлӕ сӕ ныр Мӕхӕдӕг басабыр кӕндзынӕн ӕмӕ сӕ, кӕуыл нӕ фӕкӕлдзысты, уыцы раст фӕндагыл цӕугӕдӕттӕм акӕндзынӕн. Уымӕн ӕмӕ Ӕз дӕн Израилы фыд, Мӕ фыццаг зӕнӕг Ефрем у!

Матфей 5:4

Тӕхудиаг сты кӕуджытӕ — Хуыцау сӕ барӕвдаудзӕн.

Нуны фырт Йешуа 9:17

Уӕд израилӕгтӕ абалц кодтой ӕмӕ сын ӕртыккаг бон сӕ сахартӕм бахӕццӕ сты. Сӕ сахартӕ та уыдысты Гивон, Кефира, Беерот ӕмӕ Кирйат-Иарим.

Фӕтӕгтӕ 2:4

Дунедарӕджы зӕд израилӕгтӕн уыдӕттӕ куы загъта, уӕд адӕм иууылдӕр хъӕрӕй ныккуыдтой.

1 Паддзахӕдтӕ 7:1

Кирйат-Иаримы цӕрджытӕ ӕрбацыдысты ӕмӕ Дунедарӕджы Фидыды Чырын сӕхимӕ ахастой. Уым ӕй къуылдымыл цӕрӕг Авинадавы хӕдзармӕ схастой, ӕмӕ йын Авинадавы фырт Елеазары хъахъхъӕнӕг сӕвӕрдтой.

1 Паддзахӕдтӕ 7:3

Самуел сын загъта: «Кӕд зӕрдиагӕй раздӕхтыстут Дунедарӕгмӕ, уӕд ӕцӕгӕлон хуыцӕутты ӕмӕ Астартӕты уӕхицӕй аиуварс кӕнут, уӕ зӕрдӕ Дунедарӕгӕн раттут ӕмӕ иунӕг Уымӕн лӕггад кӕнут, ӕмӕ уӕ Уый филистимӕгтӕй фервӕзын кӕндзӕн».