1 Паддзахӕдтӕ 18:10 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁰ Дыккаг бон та Саулыл, йӕхи хӕдзары уыди, афтӕмӕй Хуыцауы ӕрвыст фыдмон тых кӕнын байдыдта, ӕмӕ Саул феррайау ис. Давид ӕй раздӕрау сабыр кодта йӕ цагъдӕй. Саулы къухы уыди арц,

1 Паддзахӕдтӕ 18:10 ပူးပေါင်းရင်းမြစ်များ

2 Фессалоникӕгтӕм 2:11

Уый тыххӕй сӕ Хуыцау ныууагъта фӕлывды ӕвджид, мӕнг цы у, ууыл куыд баууӕндой.

3 Паддзахӕдтӕ 18:29

Сихорафон аивгъуыдта, адон та се ’рра митӕй изӕрыгон нывонд хӕссыны афонмӕ дӕр нӕма банцадысты. Фӕлӕ сӕм иу сым ӕмӕ иу дзуапп дӕр никӕцӕй ӕрыхъуыст, хъуыды дӕр сӕ ничи ӕркодта.

1 Паддзахӕдтӕ 19:9

Хуыцауы ӕрвыст фыдмон та тых кӕнын байдыдта Саулыл. Йӕ арц йӕ къухы, афтӕмӕй Саул йӕ хӕдзары бадти, Давид та йын цагъта.

Апостолты хъуыддӕгтӕ 16:16

Иу хатт кувӕн бынатмӕ куы фӕцӕйцыдыстӕм, уӕд ныл сӕмбӕлди, дӕсныфӕрсыныл ардауӕг ӕнӕзӕгъинаг кӕй ӕрцахста, ахӕм лӕггадгӕнӕг чызг. Дӕсныфӕрсынӕй йӕ хицӕуттӕн хаста стыр ӕфтиаг.

1 Паддзахӕдтӕ 16:23

Ӕмӕ-иу Хуыцауы ӕрвыст фыдмон Саулы куы хъыгдардта, уӕд-иу Давид йӕ къухмӕ райста хъисын ӕмӕ цагъта. Саулӕн-иу фенцон ис, йӕ чемы-иу ӕрцыди, ӕмӕ-иу ӕй фыдмон ныууагъта.

Йеремиа 28:11

Уый фӕстӕ йын ӕппӕт адӕмы раз загъта: «Дунедарӕг афтӕ зӕгъы: дыууӕ азы фӕстӕ, Вавилоны паддзах Навуходоносор ӕппӕт адӕмы бӕрзӕйыл цы ’фсондз сӕвӕрдта, уый Ӕз афтӕ ныппырх кӕндзынӕн». Йеремиа йӕ фӕндагыл ацыди.

3 Паддзахӕдтӕ 22:12

Иннӕ пехуымпартӕ дӕр иууылдӕр фӕзмыдтой Цедекиайы, пехуымпариуӕг кодтой ӕмӕ дзырдтой: «Бабырс Галаадаг Рамотмӕ ӕмӕ фӕуӕлахиз у! Дунедарӕг ӕй паддзахы къухтӕм ратдзӕн».

1 Паддзахӕдтӕ 26:19

Уӕдӕ мӕ бардарӕг ӕмӕ мӕ паддзах ӕрбайхъусӕд йӕ цагъармӕ. Кӕд дӕ мӕ ныхмӕ Дунедарӕг сардыдта, уӕд Ын ӕрхастӕуӕд зӕрдӕлхӕнӕн нывонд, кӕд — адӕм, уӕд уыдоны та Дунедарӕг ралгъитӕд! Ныр мӕ уыдон фӕсырдтой, цӕмӕй, Дунедарӕг Израилӕн цы бӕстӕ радта, уымӕй мын хай ма уа. Загътой мын: „Ацу ӕмӕ ӕндӕр хуыцӕуттӕм кув“.

1 Паддзахӕдтӕ 18:9

Ӕмӕ зулмӕ кӕсын райдыдта уӕдӕй фӕстӕмӕ Давидмӕ.

1 Паддзахӕдтӕ 19:7

Ионатан Давидмӕ фӕсидт ӕмӕ йын ӕппӕт дӕр радзырдта. Стӕй йӕ Саулмӕ бахуыдта, ӕмӕ та Давид раздӕрау лӕггад кодта Саулӕн.

Фӕтӕгтӕ 16:20

Далилӕ та ныхъхъӕр кодта: «Самсон! Филистимӕгтӕ дӕм ӕрбацыдысты!» Самсон фехъал ӕмӕ йӕхинымӕр загъта: «Ницы кӕны, ацы хатт дӕр та аирвӕздзынӕн». Нӕма зыдта, Дунедарӕг ӕй кӕй ныууагъта, уый.

1 Паддзахӕдтӕ 19:10

Саулӕн йӕ зӕрды уыди Давиды арцӕй къулмӕ ныххуыйын, фӕлӕ Давид йӕхи фӕсайдта, ӕмӕ арц къулы ныссагъди. Давид алыгъдис ӕмӕ тӕккӕ уыцы ӕхсӕв йӕхи бамбӕхста.