1 Паддзахӕдтӕ 17:51 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵¹ Стӕй Давид базгъордта филистимагмӕ, йӕ кардыл ын ныххӕцыд ӕмӕ йӕ кӕрддзӕмӕй сласта, ӕрцавта дзы филистимаджы ӕмӕ йын йӕ сӕр ралыг кодта. Филистимӕгтӕ сӕ богалы мардӕй куы федтой, уӕд лидзӕг фесты.

1 Паддзахӕдтӕ 17:51 ပူးပေါင်းရင်းမြစ်များ

2 Паддзахӕдтӕ 23:21

Мӕрдтӕм барвыста иу уӕйыгӕнгӕс мысыраджы дӕр. Мысыраджы къухы уыди арц, Бенайа та йӕ ныхмӕ лӕдзӕгимӕ рацыди, йӕ арц ын йӕ къухӕй стыдта ӕмӕ йӕ йӕхи арцӕй амардта.

2 Паддзахӕдтӕ 4:7

Уыдон мидӕмӕ бацыдысты. Йевосфет хуыссыди йӕ сынтӕджы. Ныррӕхуыстой йӕ ӕмӕ йӕ амардтой, йӕ сӕр ын ракодтой ӕмӕ йӕ семӕ рахастой. Иорданы дӕлвӕзы ӕхсӕв-бонмӕ фӕцыдысты.

Естер 7:10

Ӕмӕ ӕрцауыгътой Аманы, Мардохейӕн кӕй ӕрцӕттӕ кодта, уыцы цӕджындзыл. Ӕмӕ паддзахы маст ӕрсабыр ис.

Дзуттӕгтӕм 11:34

пиллон арт-иу бамынӕг кодтой, карды комӕй-иу аирвӕзтысты, уыдысты лӕмӕгъ ӕмӕ-иу сӕм хъару фӕзынди. Хӕсты уыдысты тыхджын, лидзӕг-иу фӕкодтой ӕндӕрбӕстӕгты ӕфсӕдтӕ.

Дзуттӕгтӕм 2:14

Ӕмӕ, хъӕбултӕ буар ӕмӕ тугӕй конд кӕй сты, уымӕ гӕсгӕ Чырысти дӕр сси уыдоны халдих, цӕмӕй Йӕ мӕлӕты фӕрцы мӕлӕты ӕлдары — хӕйрӕджы — ӕнӕхай фӕкӕна йӕ хъаруйӕ

1 Паддзахӕдтӕ 17:50

Афтӕмӕй Давид филистимагыл фӕуӕлахиз — ӕнӕ кардӕй, ӕрмӕст дурӕхсӕн ӕмӕ дурӕй. Мӕлӕтдзаг цӕф ын ныккодта.

1 Паддзахӕдтӕ 21:10

Тӕккӕ уыцы бон Давид, Саулӕй лидзгӕйӕ, араст ис дарддӕр, ӕмӕ Гаты паддзах Ахишмӕ бацыд.

1 Паддзахӕдтӕ 21:9

Сауджын загъта: «Мӕнӕ Теревинфы дӕлвӕзы кӕй амардтай, уыцы филистимаг Голиафы кард ефоды фӕстӕ кӕттаджы тыхтӕй лӕууы. Кӕд дӕ фӕнды, уӕд ӕй райс, ӕндӕр мӕм ницы ис». Давид загъта: «Амӕн дзы ӕмбал нӕй. Ратт мын ӕй».

1 Паддзахӕдтӕ 31:9

Саулӕн йӕ сӕр ракодтой, йӕ гӕрзтӕ йын раппӕрстой ӕмӕ сӕ филистимӕгты зӕххы иу кӕронӕй иннӕмӕ фӕластой, уӕлахизы уац сӕ гуымирытӕн ӕмӕ ӕппӕт адӕмӕн хъусын кӕнгӕйӕ.