1 Паддзахӕдтӕ 1:13 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹³ Аннӕ дзырдта йӕ мидзӕрдӕйы, ӕмӕ йӕ былтӕ змӕлыдысты, фӕлӕ йӕ хъӕлӕс нӕ хъуысти, ӕмӕ Елиамӕ расыджы хуызӕн фӕкаст.

1 Паддзахӕдтӕ 1:13 ပူးပေါင်းရင်းမြစ်များ

Неемиа 2:4

Паддзах мӕ бафарста: «Ӕмӕ дӕ куыд фӕнды?» Ӕз мӕхинымӕр уӕларвон Хуыцаумӕ скуывтон ӕмӕ загътон паддзахӕн: «Паддзах цӕра, кӕд ын фӕндон у ӕмӕ мӕ йӕ хорзӕх ис, уӕд мӕ арвитӕд Иудеймӕ, мӕ фыдӕлты ингӕнтӕ кӕм сты, уыцы сахармӕ, ӕмӕ йӕ ногӕй саразон».

Псаломтӕ 25:1

Давиды псалом. О Дунедарӕг, раст тӕрхон мын рахӕсс, — мӕ цардвӕндаг ӕнӕкъӕм уыди Дӕ разы. Ӕз Дунедарӕгыл дарын мӕ зӕрдӕ ӕмӕ никуы фӕцуддзынӕн.

Захариа 9:15

Уӕларвӕфсады Бардарӕг сӕ хъахъхъӕндзӕн, ӕмӕ дурӕхсӕны дуртыл фӕуӕлахиз уыдзысты, ныццӕгъддзысты сӕ; сӕ уынӕр хъуысдзӕнис, цыма сӕнӕй ныррасыг сты, уыйау; нывондхӕссӕн кӕхцытау, нывондхӕссӕны сыкъатау байдзаг уыдзысты сӕнӕй.

Апостолты хъуыддӕгтӕ 2:13

Уыдис, худгӕ сыл чи кодта, ахӕмтӕ дӕр: «Адджын сӕнӕй сӕхимӕ ӕгӕр фӕкастысты».

Ромӕгтӕм 8:26

Ӕмӕ нӕм Сыгъдӕг Уд дӕр ӕрцӕуы ӕххуысмӕ, уымӕн ӕмӕ мах стӕм лӕмӕгъ ӕмӕ нӕ зонӕм, цӕй тыххӕй ӕмӕ куыд кувын хъӕуы, уый. Уӕд Уд Йӕхӕдӕг мах тыххӕй Хуыцауӕй фӕкуры, зӕгъӕн кӕмӕн нӕй, ахӕм сулӕфтытӕй.

1 Коринфӕгтӕм 13:7

Уый ныббары ӕппӕт дӕр, алцӕуыл дӕр ӕууӕнды, алцӕуыл дӕр йӕ зӕрдӕ дары, алцӕмӕн дӕр фӕразы.

1 Паддзахӕдтӕ 1:12

Дунедарӕгмӕ куывта ӕмӕ куывта, Елиа та йӕм касти.