1 Коринфӕгтӕм 11:32 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

³² Фӕлӕ нын Бардарӕг тӕрхон куы фӕкӕны ӕмӕ нӕ куы бафхӕры, уӕд нӕ Уый афтӕмӕй сраст кӕны, цӕмӕй нын иннӕ дунеимӕ иумӕ тӕрхон ма кӕна.

1 Коринфӕгтӕм 11:32 ပူးပေါင်းရင်းမြစ်များ

2 Паддзахӕдтӕ 7:14

Ӕз уымӕн уыдзынӕн Фыд, уый та Мын уыдзӕни фырт. Тӕригъӕды куы бацӕуа, уӕд ыл, адӕммӕ куыд вӕййы, афтӕ уисӕй ӕрцӕудзынӕн, фыд йӕ фырты куыд фӕнӕмы, афтӕ йӕ фӕнӕмдзынӕн.

Псаломтӕ 118:18

Байгом мын кӕн мӕ цӕстытӕ, ӕмӕ фенон Де ’Гъдауы диссӕгтӕ.

Исайа 1:5

Надцух ма стут, ӕнӕсӕттонтӕ? Сӕр хъӕдгӕмттӕй куынӕуал зыны, зӕрдӕ куы баруади.

Йеремиа 7:28

Уӕд-иу сын зӕгъ: „Мӕнӕ, Дунедарӕджы, йӕ Хуыцауы, коммӕ чи нӕ кӕсы ӕмӕ зондамындмӕ чи нӕ хъусы, уыцы адӕм! Фесӕфти рӕстдзинад, се ’взагӕй фӕцыдӕр!“

Софониа 3:2

Никӕмӕ хъусы, йӕхи атигъ кӕны зондамындыл, Дунедарӕгыл йӕ зӕрдӕ нӕ дары ӕмӕ йӕ Хуыцаумӕ нӕ кувы.

Ромӕгтӕм 3:19

Фӕлӕ мах зонӕм: Ӕгъдау цыдӕриддӕр зӕгъы, уый, йӕ дӕлбар чи ис, уыцы адӕмӕн зӕгъы, цӕмӕй йӕхи сраст кӕнын йӕ бон макӕмӕн уа ӕмӕ ӕгас дуне азымджын уа Хуыцауы раз.

Ромӕгтӕм 5:16

Хуыцауы хорзӕх ӕмӕ иу адӕймаджы тӕригъӕдӕн абарӕн нӕй: иунӕг фыдракӕнд — ӕмӕ карз тӕрхон, бирӕ фыдракӕндтӕ — ӕмӕ бынтондӕр сраст уӕвыны хорзӕх.

1 Коринфӕгтӕм 1:20

Кӕм ис уыцы куырыхон? Кӕм ис уыцы динамонӕг? Кӕм ис ацы ӕнусы уыцы арфхъуыдыгӕнӕг? Ау, Хуыцау, ацы дунейы куырыхон зонд ӕцӕгӕй ӕдылыдзинад кӕй у, уый нӕ равдыста?

1 Коринфӕгтӕм 1:21

Хуыцау Йӕ зондмӕ гӕсгӕ куыд снысан кодта, афтӕ дуне йӕхи зондӕй Хуыцауы кӕй нӕ базыдта, уымӕ гӕсгӕ Хуыцауы бафӕндыди дзуары тыххӕй «ӕдылы» Уацы фӕрцы уырнджыты фервӕзын кӕнын.

1 Коринфӕгтӕм 11:30

Уымӕн сты сымахӕй бирӕтӕ ӕнӕбон ӕмӕ рынчын; мӕлгӕ дӕр уӕ дзӕвгар акодта.

1 Коринфӕгтӕм 11:31

Нӕхӕдӕг рагацау нӕхицӕн тӕрхонгӕнӕг куы уаиккам, уӕд-иу тӕрхойнаг нӕ кӕниккам.

1 Коринфӕгтӕм 11:33

Уымӕ гӕсгӕ, ме ’фсымӕртӕ, ӕхсӕвӕрмӕ куы ӕрӕмбырд вӕййут, уӕд-иу кӕрӕдзимӕ банхъӕлмӕ кӕсут.

Фӕлхатгонд ӕгъдау 8:5

Уӕдӕ фидарӕй зонут, лӕг йӕ фырты раст фӕндагыл куыд араза, афтӕ Дунедарӕг, уӕ Хуыцау, раст фӕндагыл цӕуын ахуыр кӕны сымах дӕр.

1 Тимофеймӕ 1:20

Уыдонӕй сты Именей ӕмӕ Александр. Ӕз сӕ бакодтон сайтаны бар, цӕмӕй Хуыцауы фауын ферох кӕной.

1 Иоанн 5:19

Зонӕм ӕй: мах Хуыцауы хъӕбултӕ стӕм, дуне ӕнӕхъӕнӕй та хӕйрӕджы уацары ис.

Ӕргомад 3:19

Кӕй уарзын, уыдонӕн Ӕз бауайдзӕф кӕнын ӕмӕ сӕ бафхӕрын. Уӕдӕ ӕнувыд у ӕмӕ ӕрфӕсмон кӕн дӕ тӕригъӕдтыл.