1 Коринфӕгтӕм 11:27 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

²⁷ Аккаг аргъ сын нӕ кӕны, афтӕмӕй ацы дзул ӕмӕ ацы сӕнӕй чидӕриддӕр ахода, уый бацӕудзӕни Бардарӕджы Буар ӕмӕ Туджы тӕригъӕды.

1 Коринфӕгтӕм 11:27 ပူးပေါင်းရင်းမြစ်များ

Нымӕцтӕ 9:10

«Фехъусын кӕн израилӕгтӕн: уӕхицӕй кӕнӕ уӕ байзӕддагӕй исчи, марды буармӕ февналгӕйӕ, куы фӕчъизи уа кӕнӕ дард фӕндагыл куы уа, уӕддӕр хъуамӕ Дунедарӕджы Куадзӕн скӕна.

Нымӕцтӕ 9:13

Сыгъдӕг чи у, фӕндагыл чи нӕ уыд ӕмӕ афтӕмӕй Куадзӕны нывонд чи не ’рхаста, уый йӕ адӕмӕй фӕхъӕудзӕн, уымӕн ӕмӕ Дунедарӕгӕн йӕ афоныл нывонд не ’рхаста; тӕригъӕды азар баййафдзӕн уыцы адӕймаджы.

Матфей 22:11

Паддзах йӕ уазджыты фенынмӕ куы бацыд, уӕд бафиппайдта, бӕрӕгбоны дарӕс кӕуыл нӕ уыди, ахӕм адӕймаджы

Иоанн 6:51

Ӕз дӕн царддӕттӕг дзул — уӕларвӕй ӕрцӕуӕг. Чи йӕ хӕра, уый цӕрдзӕни мыггагмӕ. Ӕз уын цы дзул ратдзынӕн, уый у, дунейы царды сӕраппонд нывондӕн кӕй ӕрхӕсдзынӕн, Мӕ уыцы Буар».

1 Коринфӕгтӕм 10:21

Бардарӕджы кӕхцӕй дӕр нуазат ӕмӕ дӕлимонты кӕхцӕй дӕр, уый уын не ’мбӕлы. Бардарӕджы фынгыл дӕр бадат ӕмӕ дӕлимонты фынгыл дӕр, уый уын не ’мбӕлы.

1 Коринфӕгтӕм 11:29

Бардарӕджы буарӕн аргъ чи нӕ кӕны, афтӕмӕй чи хӕры ӕмӕ нуазы, уый уыцы дзул ӕмӕ сӕнӕй йӕхи тӕрхойнаг кӕны.

Дзуттӕгтӕм 10:29

уӕд, куыд ӕнхъӕл стут, цас карздӕр ӕфхӕрды аккаг уыдзӕни, Хуыцауы Фырты чи ссӕнды ӕмӕ, сыгъдӕггонд кӕмӕй ӕрцыди, Фидыды уыцы Туг чи ницӕмӕ дары ӕмӕ фарндӕттӕг Уды чи фауы, уый?