1 Азфыстытӕ 5:17 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁷ Адон сӕ фыдӕй-фыртмӕйы номхыгъды фыст ӕрцыдысты иудейаг паддзах Йотам ӕмӕ израилаг паддзах Йоровамы заманы.

1 Азфыстытӕ 5:17 ပူးပေါင်းရင်းမြစ်များ

4 Паддзахӕдтӕ 14:16

Йоаш куы амарди, уӕд ын йӕ мард бавӕрдтой Израилы паддзӕхты зӕппадзы, Самарийы. Йӕ фӕстӕ паддзах сси йӕ фырт Йеровоам.

4 Паддзахӕдтӕ 14:23

Йоашы фырт Йеровоам Израилы паддзах сси иудейаг паддзах Амациайы, Иоасы фырты, паддзахиуӕджы фынддӕсӕм аз. Самарийы сахары паддзахиуӕг фӕкодта иу ӕмӕ дыууиссӕдз азы.

4 Паддзахӕдтӕ 14:28

Йеровоамӕн йӕ иннӕ хъуыддӕгтӕ, йе сгуыхтытӕ ӕмӕ йӕ хӕстон хабӕрттӕ, уыимӕ, кӕддӕр Иудеймӕ чи хауди, уыцы Дамаск ӕмӕ Хаматы сахартӕ фӕстӕмӕ Израилӕн куыд байста, уыдӕттӕ фыст ӕрцыдысты «Израилаг паддзӕхты азфыстыты чиныджы».

4 Паддзахӕдтӕ 15:32

Израилы паддзах Фекахы, Ремалийы фырты, паддзахиуӕджы дыккӕгӕм аз Иудейӕн паддзах сси Озиайы фырт Йотам.

4 Паддзахӕдтӕ 15:5

Уый тыххӕй Дунедарӕг Азариайыл хъотырниз бафтыдта, ӕмӕ йӕ амӕлӕты бонмӕ дӕр уыцы низӕй не сдзӕбӕх. Царди хибарӕй, хицӕн хӕдзары. Йӕ фырт Йотам паддзахы галуаны уыди уагдар, бӕстӕйы адӕмӕн та — тӕрхонгӕнӕг.

1 Азфыстытӕ 5:7

Йе ӕрвадӕлтӕ, мыггаггай, сӕ хӕдзарвӕндаджы номхыгъды куыд фыст сты, афтӕ: хистӕр — Йеиел, уый дӕле — Захариа

2 Азфыстытӕ 27:1

Йотам паддзах куы сси, уӕд ыл цыди фондз ӕмӕ ссӕдз азы, ӕмӕ Йерусалимы паддзахиуӕг фӕкодта ӕхсӕрдӕс азы. Йӕ мад Йеруша уыди Цадокы чызг.