1 Азфыстытӕ 3:11 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹¹ уый фырт Иорам, уый фырт Ахазиа, уый фырт Иоас,

1 Азфыстытӕ 3:11 ပူးပေါင်းရင်းမြစ်များ

3 Паддзахӕдтӕ 22:50

Куы амарди, уӕд ӕй бавӕрдтой йӕ фыдӕлты зӕппадзы, йӕ фыдӕл Давиды сахары. Йӕ фӕстӕ паддзах сси йӕ фырт Иорам.

3 Паддзахӕдтӕ 22:51

Иудейаг паддзах Иосафаты паддзахиуӕджы ӕвддӕсӕм аз Самарийы сахары Израилы паддзах сси Ахавы фырт Ахазиа. Йӕ паддзахиуӕг ахаста дыууӕ азы.

4 Паддзахӕдтӕ 11:2

Фӕлӕ паддзах Иорамы чызг Йошевӕ, Ахазиайы хо, паддзахы фыртты ’хсӕнӕй радавта Ахазиайы чысыл лӕппу Иоасы, йӕ дыджызӕйы дӕр ын ракодта, ӕмӕ лӕппуйы хуыссӕнуаты бамбӕхстой Аталийӕ. Уый фӕрцы Иоас мӕлӕтӕй фервӕзти.

4 Паддзахӕдтӕ 11:21

Иоас Иудейы паддзах сси авдаздзыдӕй.

4 Паддзахӕдтӕ 12:1

Израилы паддзах Йегуйы паддзахиуӕджы ӕвдӕм аз паддзах сси Иоас ӕмӕ Йерусалимы сахары паддзахиуӕг фӕкодта дыууиссӕдз азы. Йӕ мад Цивйа уыди беер-шевӕйаг чызг.

4 Паддзахӕдтӕ 8:16

Израилы паддзах Йорамы, Ахавы фырты, паддзахиуӕджы фӕндзӕм аз Иудейӕн паддзах сси Иосафаты фырт Иорам.

4 Паддзахӕдтӕ 8:24

Куы амарди, уӕд ӕй бавӕрдтой йӕ фыдӕлты зӕппадзы, йӕ фыдӕл Давиды сахары. Йӕ фӕстӕ паддзах сси йӕ фырт Ахазиа.

4 Паддзахӕдтӕ 8:25

Иудейаг паддзах Иорамы фырт Ахазиа Иудейӕн паддзах сси Израилы паддзах Йорамы, Ахавы фырты, паддзахиуӕджы дыууадӕсӕм аз.

1 Азфыстытӕ 3:10

Соломоны фырт — Роховам, уый фырт Авийа, уый фырт Аса, уый фырт Иосафат,

1 Азфыстытӕ 3:12

уый фырт Амациа, уый фырт Азариа, уый фырт Йотам,

2 Азфыстытӕ 21:1

Иосафат амарди, ӕмӕ йӕ бавӕрдтой йӕ фыдӕлты фарсмӕ, Давиды сахары. Йӕ фӕстӕ паддзах сси йӕ фырт Иорам.

2 Азфыстытӕ 21:17

Уыдон Иудеймӕ ӕрбабырстой ӕмӕ йӕ бацахстой, паддзахы галуан ныххӕлӕттаг кодтой. Йӕ фырттӕ ӕмӕ йын йӕ устыты акодтой уацары. Йӕ фырттӕй йын, йӕ кӕстӕр фырт Ахазиайӕ фӕстӕмӕ, уым никӕйуал ныууагътой.

2 Азфыстытӕ 22:6

ӕмӕ ӕрбаздӕхти Изреелмӕ, Сирийы паддзах Хазаелы ныхмӕ хӕцгӕйӕ, Рамоты сахары цы цӕфтӕ райста, уыдонӕй йӕхи сдзӕбӕх кӕнынмӕ. Ахавы фырт Йораммӕ йӕ рынчыны заман Изреелмӕ бӕрӕггӕнӕг ӕрбацыд Иудейы паддзах Ахазиа, Иорамы фырт.

2 Азфыстытӕ 24:1

Иоас Иудейы паддзах куы сси, уӕд ыл цыди авд азы ӕмӕ Йерусалимы паддзахиуӕг фӕкодта дыууиссӕдз азы. Йӕ мад Цивйа уыди Беер-Шевӕйы сахарӕй.