1 Азфыстытӕ 25:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Адон се ’ппӕт дӕр паддзахы зонынджын Хеманы фырттӕ сты — Хуыцау ын зӕрдӕ бавӕрдта хъомыс раттынӕй ӕмӕ йын балӕвар кодта цыппӕрдӕс фырты ӕмӕ ӕртӕ чызджы.

1 Азфыстытӕ 25:5 ပူးပေါင်းရင်းမြစ်များ

Райдиан 33:5

Исав сылгоймӕгтӕ ӕмӕ сывӕллӕтты куы федта, уӕд бафарста: «Адон дын чи сты?» Йаков дзуапп радта: «Хуыцау дӕ цагъарӕн кӕй балӕвар кодта, уыцы сывӕллӕттӕ».

2 Паддзахӕдтӕ 24:11

Дыккаг райсом, Давид йӕ уатӕй нӕма сыстад, афтӕ Дунедарӕг раргом ис Гад-пехуымпармӕ, Давиды зонынджынмӕ:

1 Азфыстытӕ 21:9

Дунедарӕг раргом ис Гадмӕ, Давиды зонынджынмӕ:

1 Азфыстытӕ 25:4

Хеманы фырттӕ: Буккиа, Маттаниа, Уззиел, Шевуел, Иеримот, Хананиа, Ханани, Елиата, Гидалти, Ромамти-Езер, Иошбекаша, Маллоти, Хотир ӕмӕ Махазиот.

1 Азфыстытӕ 28:5

Бирӕ фырттӕ мын радта Дунедарӕг, ӕмӕ ӕппӕт уыдонӕй равзӕрста мӕ фырт Соломоны, цӕмӕй Дунедарӕджы паддзахы бадӕны ӕрбада Израилы сӕргъы.

2 Азфыстытӕ 35:15

Зарӕггӕнджытӕ, Асафы байзӕддӕгтӕ, лӕууыдысты сӕ бынӕтты, сӕ заманы Давид, Асаф, Хеман ӕмӕ паддзахы зонынджын Йедутун куыд бауынаффӕ кодтой, афтӕ. Дуаргӕстӕ дӕр алы кулдуары раз лӕууыдысты, йӕ куыст ныууадзын дзы никӕй бахъуыди, уымӕн ӕмӕ сын се ’рвадӕлтӕ, левиттӕ, алцыдӕр ӕрцӕттӕ кодтой.

Псаломтӕ 127:3

Дӕ бинойнаг дӕ хӕдзары мидӕг зад сӕнӕфсир бӕласау — зӕнӕгджын, дӕ фынджы алыварс дӕ фырттӕ — оливӕ бӕласы ӕвзартау.

Исайа 8:18

Мӕнӕ ӕз ӕмӕ мын Дунедарӕг кӕй радта, уыцы хъӕбултӕ. Мах Израилӕн стӕм ӕвдисӕйнӕгтӕ Уӕларвӕфсады Бардарӕгӕй, Сионы хохыл цӕрӕгӕй. Мах стӕм Сионы хохыл цӕрӕг Уӕларвӕфсады Бардарӕджы ӕвдисӕйнӕгтӕ ӕмӕ рагнысӕнттӕ Израилӕн.

1 Паддзахӕдтӕ 9:9

(Раздӕр-иу Израилы исчи Хуыцауы фӕндон базонынмӕ куы цыд, уӕд-иу афтӕ дзырдтой: «Цом зонынджынмӕ», уымӕн ӕмӕ, ныр пехуымпар кӕй хонынц, уый раздӕр зонынджын хуыдтой.)