1 Азфыстытӕ 11:5 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

⁵ Йевусы цӕрджытӕ Давидӕн загътой: «Нӕ дын бантысдзӕн ардӕм ӕрбацӕуын». Фӕлӕ Давид басаста Сионы фидар, ӕмӕ уый ныр Давиды сахар у.

1 Азфыстытӕ 11:5 ပူးပေါင်းရင်းမြစ်များ

2 Паддзахӕдтӕ 5:9

Давид ӕрцарди фидары, Давиды сахар ӕй схуыдта ӕмӕ йын Миллойӕ мидӕмӕ, фидары онг, йӕ алыварс бӕстыхӕйттӕ сарӕзта.

2 Паддзахӕдтӕ 6:10

Давиды нӕ бафӕндыди Дунедарӕджы Фидыды Чырын Давиды сахармӕ аласын ӕмӕ йӕ гатаг Овед-Едомы хӕдзармӕ арвыста.

2 Паддзахӕдтӕ 6:12

Паддзах Давидмӕ фӕхабар чындӕуыд, Хуыцауы Фидыды Чырыны фӕрцы Овед-Едом ӕмӕ йӕ хӕдзар Дунедарӕгӕй арфӕгонд фесты, зӕгъгӕ. Давид ацыд ӕмӕ Хуыцауы Фидыды Чырын Овед-Едомы хӕдзарӕй Давиды сахармӕ цингӕнгӕ ӕрбахаста.

3 Паддзахӕдтӕ 8:1

Иу цасдӕр рӕстӕджы фӕстӕ паддзах Соломон фӕсидти Израилы хистӕртӕм, Израилы хӕдзарвӕндӕгты ӕмӕ мыггӕгты хистӕртӕм. Фӕсидти сӕм Йерусалиммӕ, цӕмӕй сын Дунедарӕджы Фидыды Чырын Давиды сахарӕй (сахарӕн йӕ иннӕ ном — Сион) рахӕссын кӕна.

1 Азфыстытӕ 11:4

Давид ӕппӕт израилӕгтимӕ ахӕцыди Йерусалиммӕ (ома Йевусмӕ). Уӕд уым йевусӕгтӕ цардысты.

1 Азфыстытӕ 11:6

Давид загъта: «Йевусӕгтӕм раздӕр чи бабырса, уый уыдзӕн ӕфсады хицау». Фыццаджыдӕр сахармӕ балӕбурдта Церуайы фырт Йоав ӕмӕ сси ӕфсады хицау.

1 Азфыстытӕ 11:7

Давид ӕрцарди фидары, ӕмӕ уымӕ гӕсгӕ уыцы фидар схуыдтой Давиды сахар.

2 Азфыстытӕ 5:2

Паддзах Соломон басидт Израилы хистӕртӕм, Израилы хӕдзарвӕндӕгтӕ ӕмӕ мыггӕгты хистӕртӕм се ’ппӕтмӕ дӕр. Фӕсидти сӕм Йерусалиммӕ, цӕмӕй Дунедарӕджы Фидыды Чырын Давиды сахарӕй, Сионы хохӕй, хаст ӕрцӕуа.

Псаломтӕ 2:6

«Уый Мӕ уаз хох Сионы цъуппыл Ӕз сой рауагътон Мӕ паддзахы сӕрыл».

Псаломтӕ 48:2

Байхъусут, ӕппӕт адӕмтӕ, уӕ хъус ӕрдарут, дун-дунейы ӕппӕт цӕрджытӕ:

Псаломтӕ 87:2

О Дунедарӕг, мӕ ирвӕзынгӕнӕг Хуыцау, ӕхсӕвӕй-бонӕй Дӕумӕ дзыназын!

Псаломтӕ 87:5

Ӕз сдӕн, ингӕнмӕ чи ныххызти, хъару кӕмӕ нал ис, уыдоны ’нгӕс.

Псаломтӕ 9:11

Дӕ ном Дын чи зоны, уыдонӕн сӕ ныфс Ды Дӕ, Дунедарӕг, уымӕн ӕмӕ Ды нӕ ныууадздзынӕ, Дӕу чи агуры, уыдоны.

Ромӕгтӕм 9:33

Сыгъдӕг Фыст зӕгъы: «Мӕнӕ Ӕз Сионы ӕвӕрын Дур — ӕмӕ Йыл фӕкӕлдзысты, Къӕдзӕх — ӕмӕ сын цӕлхдур суыдзӕн. Фӕлӕ Йыл чи ӕууӕнды, уый нӕ фегад уыдзӕни».

Дзуттӕгтӕм 12:22

Сымах та ӕрцыдыстут Сионы хохмӕ ӕмӕ цардӕгас Хуыцауы сахармӕ — уӕларвон Йерусалиммӕ, ӕнӕнымӕц зӕдты цины ӕмбырдмӕ,

Ӕргомад 14:1

Ӕз федтон: мӕнӕ Сионы хохыл лӕууы Уӕрыкк; Йемӕ сты, Йӕ ном ӕмӕ Йӕ Фыды ном йӕ тӕрныхыл фыст кӕмӕн у, уыцы 144 000 адӕймаджы.

Фӕтӕгтӕ 19:10

Фӕлӕ левит ӕхсӕвы уым баззайыныл нал сразы, ӕмӕ сӕ фӕндагыл ацыдысты. Бахӕццӕ сты Йевусы сахармӕ (ома Йерусалиммӕ). Левитимӕ уыдысты йӕ номылус ӕмӕ дыууӕ хӕрӕджы ӕд уӕргътӕ.

1 Паддзахӕдтӕ 17:26

Давид йӕ цуры лӕуджыты бафарста: «Уыцы филистимаджы чи амара ӕмӕ Израилы фидистӕй чи бахиза, уымӕн цавӕр хорзы бацыдӕуыдзӕн? Чи у, чи, уыцы ӕнӕсунӕт филистимаг, цы фидистӕ кӕны удӕгас Хуыцауы ӕфсадӕн?»

1 Паддзахӕдтӕ 17:36

Домбайы дӕр ӕмӕ-иу арсы дӕр амардта дӕ цагъар, ӕмӕ ацы ӕнӕсунӕт филистимаг дӕр ахӕрдзӕн уыдоны хал, уымӕн ӕмӕ фидис кӕны удӕгас Хуыцауы ӕфсадӕн».