1 Азфыстытӕ 11:16 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹⁶ Давид фидары уыди, филистимӕгты иу къорд та — Вифлеемы раз.

1 Азфыстытӕ 11:16 ပူးပေါင်းရင်းမြစ်များ

2 Паддзахӕдтӕ 5:17

Филистимӕгтӕ фехъуыстой, Давиды Израилӕн паддзахӕй кӕй байсӕрстой, уый ӕмӕ ӕмхуызонӕй йӕ агурӕг фӕраст сты, ӕрцахсӕм ӕй, зӕгъгӕ. Давид уый куы базыдта, уӕд фидары бацыд.

1 Азфыстытӕ 11:17

Давид дойныйӕ марди ӕмӕ загъта: «Тӕхуды, Вифлеемы кулдуары цур цы цъай ис, уырдыгӕй мын исчи дон куы ӕрбадавид!»

Псаломтӕ 142:1

Давиды псалом. О Дунедарӕг, фехъус мын мӕ куывд, ӕрдар Дӕ хъус мӕ лӕгъстӕмӕ, ӕнӕ дзуаппӕй мӕ ма ныууадз: Ды иузӕрдыг ӕмӕ рӕстаг дӕ!

1 Паддзахӕдтӕ 10:5

Уый фӕстӕ бахӕццӕ уыдзынӕ Хуыцауы кувӕн къуыбырмӕ, филистимаг ӕфсады къорд кӕм лӕууы, уырдӕм. Уым, сахармӕ бацӕуӕны цур, амбӕлдзынӕ къуыбырӕй цӕуӕг пехуымпарты къордыл. Уыдон кӕндзысты пехуымпариуӕг, сӕ разӕй цӕуджытӕ цӕгъддзысты дыууадӕстӕнонтӕй, далатӕй, уадындзтӕй ӕмӕ хъисфӕндыртӕй.

1 Паддзахӕдтӕ 13:23

Филистимӕгты ӕфсӕддон къорд рацыди Михмасмӕ бацӕуӕн бахъахъхъӕнынмӕ.

1 Паддзахӕдтӕ 13:4

Ӕппӕт Израилы дӕр куы фехъуыстой, Саул ныддӕрӕн кодта филистимӕгты ӕфсады къорд, ӕмӕ Израил филистимӕгтӕн бынтондӕр фенӕуынон ис, уӕд адӕм Саулмӕ ӕрӕмбырд сты Гилгалы сахармӕ.

1 Паддзахӕдтӕ 22:1

Давид уырдыгӕй Адулламы лӕгӕтмӕ алыгъд. Уый куы фехъуыстой йе ’фсымӕртӕ ӕмӕ йе ’ппӕт хионтӕ, уӕд ӕм уырдӕм ӕрцыдысты.

1 Паддзахӕдтӕ 22:4

Ӕмӕ сӕ моаваг паддзахмӕ ӕрбакодта, ӕмӕ уымӕ баззадысты, цалынмӕ Давид йӕ фидары цард, уӕдмӕ.

1 Паддзахӕдтӕ 22:5

Пехуымпар Гад загъта Давидӕн: «Мауал бад ацы фидары, Иудӕйы зӕхмӕ ацу». Давид араст ис ӕмӕ Хереты хъӕдмӕ бацыди.

1 Паддзахӕдтӕ 23:25

Саул йӕ адӕмимӕ ацыди Давиды агурынмӕ. Давидмӕ фӕхабар кодтой, ӕмӕ Маоны ӕдзӕрӕг быдыры къӕдзӕхтӕм йӕхи байста ӕмӕ уым бамбӕхсти. Уый фехъуыста Саул, ӕмӕ Давиды фӕдыл зилын райдыдта Маоны ӕдзӕрӕг быдыры.