YURAS 1:7 - Nanduk Ngget Tul Pidnak Wene

⁷ Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.

YURAS 1:7 ပူးပေါင်းရင်းမြစ်များ

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

NDAK WIRIDNAK WENE 18:20

Peraruk yarik, erep min-et Nagawan Indo-nen Abarakam yak tosolar-e: ”An-e Sorom min Nggomora min onpog-e meya angin worak kolosolat, nde, it-nen yi meya ndi meya nggog-et kwatli-o yogola kuligi-o.

NDAK WIRIDNAK WENE 19:5

Ap ereba na-nen enne nggoksa Lot yak togolar-e: ”Ap kat kama nene yurak lobok yiga ya na-ge ngge me worali-o? Mondok nendam pi-o. Inmin nene yul-o!” yiga-o.

YESAYA 1:9

Nagawan Indo Mondok Amawi Worak iri na-nen nde ap erep nit nenmanggim nde mengga keya inpigit lak yid nggal-nen-e Sorom min Nggomora min lak tak inpid nggal mondok abu lak tak nenpeleb-o.

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

YEREMIA 20:16

Wene waruk mbirid nap iri-ge Nagawan Indo-nen-e o siri abuwa lag-et yigisa lak tak pid nggal-et kwat ubuwag-o. Nde, ar-e kuplila-ge andi-nen enne nggwa kolosolat, lenggesilmu wim nggogolat enne nggu kolosolat wolmag-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 11:24

Alat nde, an-nen yak kendeyeg-o: Ap pidsa enpem wene mbaruwa tarem-nen-e Sorom nap enpem wene te-t mbaruwa-t nde, kit kenpem-e angin worag-et mbaruwa-o” luk met inpij-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

LUKAS 17:29

Lut na Sorom wi keya buruk mborosola tarem-e mbal pem-nen kanduk min emben worak kule (belerang) min nggilara pil mbuwasola, it pidsa lak tak inpij-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

2 PETERUS 2:2

Iri yili-t nde, ap kwarat-nen it enesiget siget ap mul undugwi nap-nen ukwe ukwe yugwi meya iri-nen yidnak yidnak kwarugwi na langgal luk mburuwa-o. Nde, it-nen kwarugwi-nen ndowaga ap kwarat-nen Lud tak nak Kwarugwi Tula iri nggweyara keya buwa-o.

2 PETERUS 2:6

Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.

2 PETERUS 3:7

yawo worasu mbal min nggweyak min-e kanduk pem-nen lak tak purag-et nde, Mbal Pem Nagawan ene nak-nen towarak worasu yu-ge meya yugwi nap enpem wene mbatluk, lak tak unpurak tarem iri-nen lak tak peyekluk towarak worasu-o.