YURAS 1:6 - Nanduk Ngget Tul Pidnak Wene

⁶ Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

YURAS 1:6 ပူးပေါင်းရင်းမြစ်များ

MATIUS 10:15

An-nen yak kendeyeg-o: Ap enpem wene mbarurak tarem-nen-e Mbal Pem Nagawan-nen-e Sorom woragwi min Nggomora woragwi min unpud kujwa-t nde, o siri iri me woragwi nap na unpuj-e kujwa bug-o.”

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 8:29

It enmberek enne nggulok pem-nen yogolar-e: ”Mbal Pem Nagawan Ambara wa-e. Kar-e nit ninmin-e no kwareyeklug-o? Nenpem wene mbarurak tarem awo worala kagit, andi bandi rak nenpeyekluk lobok yusu-a?” luk yiga-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

OROMA 2:5

Alat nde, kit kinndi amawi luk, kondok yili bug-o. Iri-nen ndowaga Mbal Pem Nagawan isilepma luk lud tag-et ap enpem wene mbaruwa tarem-nen-e kenpem wene mbarurak iri na kenambikpebe kenare pili-o.

EPESUS 6:12

Nde, nir-e ki nap inmin wim mbatli-ge lag-o. Are, amawi worak oboksa min amawi min nggweyak ma ndamuk yu tena woragwi nagawan min teram woraso amawi worak inndi meya min it iri inmin-et nir-e wim mbatli-o.

IBERANI 10:27

Are, Mbal Pem Nagawan imin wim pugwi nap enabuwog-e misiget nak worasu-o. Nde, iri-ge, enpem wene mbatluk, kan amare kwiye worak-nen nok unpuwa-o.

2 PETERUS 2:4

Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

NAM PARA WENE 20:10

Iri rak puruk, it onmbol pem laso Sere iri na-ge emben worak kule (belerang) laso kan mare arem mbo bil nggwid iri-ge ndakngge isilepma worak min enesiget Mbal Pem Nagawan ene lomboksa yoso nap min-e nandug-et iri me mbo inpil nggwij-o. It iri andi bandi kagolar-e, lengge-nen kubu-nen pem-et woralik nalik wolma-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.