YURAS 1:3 - Nanduk Ngget Tul Pidnak Wene

³ Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.

YURAS 1:3 ပူးပေါင်းရင်းမြစ်များ

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YIDNAK YIDNAK WENE 17:3

Wene na nam para mirik onposolar-e, Mesias na-ge mondok andi bandi karuk, wat yidnak nap ennggendumu-nen men momtak wene na mirik onposolat woragaij-o. Iri luk, at-nen yosolar-e: ”An-nen yak kundusu nap Yesus yu-ge Mesias-net yusu-o” luk yij-o.

YIDNAK YIDNAK WENE 18:28

Yongga ondosolar-e, ap kwarat inmbiri bem Yawuri nap inmin enne amawi pebe yogolar-e, at-nen ene amawi min-et Mbal Pem Nagawan Engga bem-net ”Yesus iri-ge Mesias-nen yusu-o” luk yosolat-nen Yawuri nap na nggweyara keya inpij-o.

YIDNAK YIDNAK WENE 20:27

Mbal Pem Nagawan indi-n pidnak ereb-e teberak pigit lak. Pidsa yak kindigi nar-o.

YIDNAK YIDNAK WENE 28:28

Iri bem-e mondok kenaru wolmer-o. Mbal Pem Nagawan-nen ap inmiri yurak wene yu-ge enlem nin nap endam wirik pij-o. It-nen perak kuluwa-o” luk yak indij-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 6:7

Nde, Mbal Pem Nagawan-nen yidnak wene iri-ge wigak yosolar-e, o Yerusalem-nen aid wene wanidnak nab-e misik nambek misik nambek irit kwarat yogolat, tepan omborak kwarat-nen na inndi Yesus ebem angin tubu yogolat kwariga-o.

YIDNAK YIDNAK WENE 9:13

Yak tosoloma-ge, Ananias-nen wene erep nggarosolar-e: ”Nagawan Indo wa-e. Marak nap Yerusalem woragwi nap meya rak onposo wene-ge ap kwarat-nen obok yogola koloso-o.

YIDNAK YIDNAK WENE 9:22

Alat nde, Saulus-nen yidnak wene iri-ge amawi kondosolar-e: ”Yesus iri-ge Kerisut-net yusu-o” luk watsa-t yosola karuk, Ndamsik woragwi Yawuri nap na wene onggo yurag-e nggeyok yiga-o.

1 KORINTUS 15:3

An-net wanigi wene owak ndum irit yak kindigi-o: Nde iri-ge, Mbal Pem Nagawan engga bem-nen mbarak iri na ndak ndag-et Kerisut-e nit meya yidnak nenmanggim wat yamu-o.

NGGALATIA 2:5

Alat nde, ndemeret aid wene na kit kinmin tugup lak wolmaklug-e, an-e mariger-o luk tet it inndi aye-nen e-o yigir-e lag-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 6:11

Engga uwurup mbarak nggulok an nambik ninggi-nen mbara kenmanggim pusu yu nde ker-o.

EPESUS 1:1

Mbal Pem Nagawan indi-n pidnak pem Kerisut Yesus-nen wirik nibidnak nap Paulus an-nen-e Epesus wi woragwi nap, Mbal Pem Nagawan winde nap, Kerisut Yesus ebem kinndi angin tubu yigep nap kit kenmanggim engga yu mbarusu-o.

TUGURUK YIDNAK WENE 9:10

Worasoma, Nagawan Indo inggi-nen mbaridnak kerep mberen ereya wok nirij-o. Nde, wene kerep ereya ebem mbarag-e kit ndobo iri ayo bem ndok worak woragola, kanduk arem nggwe-nen kenmanggim yidnak wene ereya na mbarag-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

KOLOSE 1:2

Kolose woragwi nap, Kerisut ebem kinndi angin tubu yidnak marak woragwi nap kenmanggim engga yu mbatli-o. Nineid Mbal Pem Nagawan-nen we wok ondoso elem min lambuksa woragwi elem min kinmin wolmag-o.

1 TESALONIKA 2:2

Nde, nir-e nanduk Pilipi woragola-ge, lel mberel nonpogolat, nagweyak nggal tak nonpogolat yiga wene iri-ge kenaru nar-o. Alat nde, Mbal Pem Nagawan-nen ninndi kwiye lak tak posola-ge, nit ninmin kwarat wene eyak worogola-t nde, Mbal Pem Nagawan-nen idnak aid wene-ge kwiye lag-et yak kindige nar-o.

1 TIMOTIUS 1:18

Nambara Timotius wa-e. Mbal Pem Nagawan ene lomboksa yugwi nap-nen kat-nen kwarurak urul pidnak iri na yebet karug-e, ndag-et kwarugun kagi luk, an-nen yabu yu kebem pusu-o. Kat kurul pidnak wene iri bem-nen kamawi kondosolar-e, konag-et wim mbarosolar-e,

1 TIMOTIUS 6:12

Kindi angin tubu yidnak wim-e konag-et tomborosolat wolmin-o. Iri kwarosolar-e, unlug-et woralik nalik momtak elem wanugun-o. Kar-e ap kwarat inmbiri bem-et ”Nindi angin tubu yigi-o” luk kinggirigen tarem-e Mbal Pem Nagawan-nen unlug-et woralik nalik momtak elem wok kururak pem wene mbo kibid irir-o.

2 TIMOTIUS 1:13

An-nen ndemeret wene mul kirigi iri na-nen yidnak yidnak kwara kwarosolat wolmin-o. Nde, Kerisut Yesus imin kundik worasu me, kindi angin tubu yidnak worasolat, ap enabuwa kasolat wolmin-o.

TITUS 1:4

Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

IBERANI 6:9

Nanggamirak kenabuwa worak wa-e. Nit-nen kit konowene yu nggal yili-t nde, kit kinmiri yurak erep kundik konak wene iri wanigeb-o luk nir-e perali-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

2 PETERUS 2:21

It iri na-ge lud tak nak kwarugwi tula enaru buk woragolat nggal-nen-e ob-et nde, lud tak nak kwarugwi tula enaru lug-et nde, it yak indidnak imiri mbarak pidnak wene mbek tak iri keya bili iri-ge mondok meya lombog-o.

YURAS 1:1

Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:17

Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.