YURAS 1:25 - Nanduk Ngget Tul Pidnak Wene

²⁵ arig-et woraso Mbal Pem Nagawan, nit Ninmiri Yoso Nap iri amanggim-e nit Nenagawan Indo Yesus Kerisut na ebem-nen-e abinal min kek tak woraso elem min amawi elem min at-nen tenagoso elem min-e obi ereba kuri-net, yawo-nen na, woragolat nagolat na at amanggim-et wolmag-o. Amen.

YURAS 1:25 ပူးပေါင်းရင်းမြစ်များ

NDAWI ENGGA 104:24

Nagawan Indo wa-e. Kat-nen-e mondok kwarat ndak worak pigenma-o. Ereba oboksa-ge kat-nen-e kindi-net kwara yebet karuk, ndak worak pigenma-o. O yu-ge kat-nen ndak wiridnak mende nak-nen kobong yusu-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

LUKAS 1:47

Mbal Pem Nagawan iri-ge an Nimiri Yoso ala, an nindi alin alen yusu-o.

YOANES 4:22

Kit Samaria nap-nen-e kenaru buk mende-t nde, erembel wanugwi-o. Nde, ap inmiri elem-e Yawuri nap enpem-nen lobok yoso me, nit Yawuri nap-nen-e nenaru nap iri na-t erembel wanugwi-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

OROMA 11:33

Mbal Pem Nagawan-e yi mende ndi mende winde iri-ge wir-o! At indi nggat nggat min at aru yidnak min iri-ge nggok ija lombog-o! At-nen mbaridnak wene iri-ge ta nggal-nen nde lumbunuwa-o? At-nen kwaroso iri-ge ta nggal-nen yebet kujwa-o?

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

OROMA 16:27

Ariget nak indi pindong tak woraso Mbal Pem Nagawan iri-ge Yesus Kerisut ebem-nen pempa woragolat nagolat at nak kek tak pogolat wolmog-o! Amen.

EPESUS 1:8

utlud lombok wok nindid iri-ge at indi pindong tak nde, indi nggat ponok tak nde iri bem-nen wok nindid iri-ge wir-o!

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

EPESUS 3:21

Mbal Pem Nagawan iri-ge, lambuk tak inpidnak nap enpem-nen na. Kerisut Yesus ebem-nen na, pempa pempa woralik nalik woragolar-e, at unu kek tak pogolat wolmomtag-o. Amen.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

1 TIMOTIUS 2:3

Iri nggal yogolar-e, konak-nen yusu me, nit Ninmiri Yoso Mbal Pem Nagawan indingen tak purak mende-ge irir-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

TITUS 3:4

Alat nde, Ninmiri Yoso Mbal Pem Nagawan-nen-e indi konak elem min nenabuwa kaso elem min mirik nonposolar-e,

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

NAM PARA WENE 1:6

at Eid Mbal Pem Nagawan eyabu wanuwakluk, tepan ombo rak nonposolar-e, nagawan tak ninpij-o. Yesus Kerisut iri-ge kek tak, amawi worak pem-et woralik nalik irit wolma-o! Amen.