YURAS 1:24 - Nanduk Ngget Tul Pidnak Wene

²⁴ Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

YURAS 1:24 ပူးပေါင်းရင်းမြစ်များ

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 9:26

Ta-nen nde an min an-nen yidnak wene min yurak inggiri pasiyem tak puwa nab-e, Ap Ambara an-nen-e an namawi bem Neid min lenak inpidnak aid nap min enmawi bem lobok yimin tarem-nen-e ap iri na obok para yurak na ninggiri pasiyem tak pimin-o.

OROMA 14:4

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

2 KORINTUS 4:14

Nagawan Indo Yesus uruk tak pid nap, Mbal Pem Nagawan-nen-e Yesus min nit totno nunluk tak posola-ge, nit min kit min at ondomok eram ninpil mburuwar-o luk nenaru nar-o.

2 KORINTUS 4:17

Nde, yawo luru nenpem mbusu andi bandi mende te iri-nen-e woralik nalik momtak kek tak mende terak minik irit kwarak nunpusu-o.

EPESUS 3:20

At-nen-e nit-nen nggi yidnak tengge nde, nit ninndi nak-nen ”Iri mende ukwe-o” luk yidnak tengge nde wok nundurag-e te-nen yusu nap, nit nenarem yabu wanoso amawi mondok kwarat mbilara wok nondoso nap

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

2 TIMOTIUS 4:18

Nagawan Indo-nen-e an meya rak nuburak mende pidsa inggem-nen ming nuburuk, an nimiri yosolug-e, at-nen tenagaidnak wi aid arem iri me nibil ngguwa-o. At unu kek tak pem-et woralik nalik irit wolmag-o. Amen.

YAKOBUS 2:10

Imiri mbarak pidnak wene pidsa kwarogolar-et nde, misiget nak kuruk togola-ge, wene pidsa kwid tili-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

2 PETERUS 1:10

Nanggamirak wa-e. Iri bem-e Mbal Pem Nagawan-nen wene mbo kunpuruk, len kinpid iri na bem tugup lak worabokluk, mondok kwara kenmawi konder-o. Kit nde iri nggal kwarogolar-e, kunuwok pijaksa wosa mbugup pug-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

NAM PARA WENE 14:5

It iri enmende nggwe-nen-e enesiget wene mariget tet wirik pugwi bug-o. Nde, meya mariger-o luk tet it enpem-e mondok lag-o.