YURAS 1:23 - Nanduk Ngget Tul Pidnak Wene

²³ it inmiri yuwakluk, kanduk arem-nen lesa inpil lumer-o. Nde, ap erep na enabuwa kagolar-e, kinndi kwiye min-et enabuwa kagolar-et nde, it unsum it enaboro-nen ukwe ukwe yugwi mende-nen kik tak pidnak sum iri-ge kinsili rak pugup na-e.

YURAS 1:23 ပူးပေါင်းရင်းမြစ်များ

NGGOMO WENE 7:8

keyama nggwe lumugumu ereya na-ge ap sujwe iri na-ge tula unggut nimiksa pidnak sa kwe terak noso uwi iri nggwe mborosola kagi-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

OROMA 11:14

An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.

1 KORINTUS 15:33

Kenambik konmbol pem lali-ge meyog-o. ”Meya kwarugwi nap inmin totno are kondogolar-e, enpage konak kwarugwi na-ge lak tak poso-o.”

1 KORINTUS 3:15

Alat nde, ap-nen o wiridnak iri-ge kan nujwama-ge, onggo-ge wanigit lag-et nde, kan arem-nen nggogora mbiridnak nggal ap iri ebe nak imiri yaga wok tuwa-o.

2 KORINTUS 5:11

Nir-e Nagawan Indo aye kagwi nenaru me, ap enmengen mbatli-o. Mbal Pem Nagawan-e nit ninndi mondok nam-et kasu-o. Nde, an-nen perasolar-e, kit-nen na nit ninndi nam-et kali, lak? perasu-o.

2 TESALONIKA 3:14

Nit-nen mbaridnak engga yu-nen yidnak yidnak nak kwaroso buk nap mbi worala-ge, kit-nen ap iri na lombot uburuk, at inggiri kujwakluk mondok imin are kundurak pug-o.

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

2 YOANES 1:11

Iri nggal kwarugwi nap iri wa yak indili nab-e at-nen meya kwaroso na ereb-et tenagusu-o.

YURAS 1:22

It inndi mberen woragwi nap enabuwa kagolar-e,

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.

NAM PARA WENE 3:4

Alat nde, kit Sarandis woragwi nap kennggendumu ap ereb-e it unsum kik tak pul naru kwara yik karok woragwi na woralir-o. Nde, it iri-ge mondok enpam ala karuk, unsum loro yirik an nimin nuwa-o.