YURAS 1:17 - Nanduk Ngget Tul Pidnak Wene

¹⁷ Alat nde, nanggamirak kenabuwa worak wa-e. Nit Nenagawan Indo Yesus Kerisut-nen idnak wirik inpidnak nap-nen nanduk yak kindiga wene na-ge yebet yebet tak wolmer-o.

YURAS 1:17 ပူးပေါင်းရင်းမြစ်များ

MALEAKI 4:4

Kir-e an ndegel noboso nap Musa-nen mul kindidnak wene min imiri mbarak pidnak wene min an-nen ’Iri nggal-et kwarogolat wolmomtag-o’ luk yidnak wene min Isarael nap oboksa-nen kwarogolat wolmomtag-o luk, Sinai ndobo bem-nen Musa wok tigi wene ereba na-ge kwara kinndi yeberag-et wolmer-o.

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 4:11

At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

IBERANI 2:3

Iri ala-ge, ninmiri yurak wene nggulok iri-ge kuligit lak keya pulndig-e, nggesa-nen ninmiri yuwa-o? Nde, nanduk nandug-er-e wene iri-ge Nagawan Indo Yesus at-nen nam tak posola, wene na nam tak posola kuliga nap-nen nit yak nondogolar-e: ”Wene iri-ge ndemeret wene-net yusu-o” luk yak nondogola-ge, nir-e ndemerer-o luk menggesa nenaru yige-o.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

1 YOANES 4:6

Alat nde, nir-e Mbal Pem Nagawan ilirak-nen yili-o. Mbal Pem Nagawan enaru nap-nen-e nit nenne kulili-o. Nde, Mbal Pem Nagawan ilirak kwat yigit lak nap-nen-e nit nenne kulili bug-o. Iri kwatli iri bem-nen ndemeret Konak Indi min kabak tak onposo indi min-e yenggerak pili-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.