YURAS 1:1 - Nanduk Ngget Tul Pidnak Wene

¹ Yesus Kerisut ndegel oboso nap, Yakobus owot Yuras an-nen-e Nineid Mbal Pem Nagawan ebem-nen kenabuwa worak nap, Yesus Kerisut amanggim ndegel konposolar-e, Mbal Pem Nagawan-nen wene mbo kinpid nap kit kenmanggim engga yu mbarusu-o.

YURAS 1:1 ပူးပေါင်းရင်းမြစ်များ

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MARAKUS 3:18

Andereas min Pilipus min Mbatolomius min Matius min Tomas min Alpius ambara Yakobus min Tarius min nuwi nggweyag-o luk imiri yoso nap Simon iri na min

MARAKUS 6:3

At yu-ge o woroso nap, Maria ambara, Yakobus min Yoses min Yuras min Simon min onowe, at owosirak li kwami na nit ninmin worali iri-ge lak kaigeb-a?” yogolug-e, Yesus na insili rak piga-o.

LUKAS 6:16

Yakobus ambara Yuras min Yesus iminep wisirid nap Yuras Ikariot min irit len inpij-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 14:22

Iri yosola-ge, Yuras Ikariot na lag-o. Are, Yuras misik-nen at yak tosolar-e: ”Nagawan Indo wa-e. Kat-net kat nggweyak ma nap mirik inpigit lak, nit nak mirik nunpurak yigen iri-ge noluk-nen yigen-o?” luk yij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 17:15

An-nen-e: ’Nggweyak ma yu me wolma naru, wok inpi-o’ luk kemengen mbarusu bug-et nde, ’Meya Yoso Nap-nen it meya rak unpuwa naru, kwara untum wiri-o’ luk kemengen mbarusu-o.

YOANES 17:17

Ndemeret wene bem-net ir-e lena kat karengge rak inpi-o. Kat-nen yidnak wene-ge ndemeret wene-nen yusu-o.

YOANES 17:19

Ir-e ndemeret wene bem lena kat karengge makluk, it enmanggim an-e kat karengge teyek-nen an-e an-net len yigi-o.

YOANES 6:39

Nde, an nibil lobok yidnak nap-nen-e an-e yu kwaruwakluk wirik nibij-o. At-nen wok niridnak nap iri-ge an-nen-e misik mbi pul tak pigit lak, are, i woronosolat tarem-nen-e it pidsa an-nen unluk tak unpuwakluk-nen nibil lobok yij-o.

YIDNAK YIDNAK WENE 1:13

Mbuwaigarik-nen-e o silmu wok yogolar-e, o kuri worak teram iri na me-ge Peterus min Yoanes min Yakobus min Andereas min Pilipus min Tomas min Mbatolomeus min Matius min Alpius ambara Yakobus min Age worak Simon min Yakobus ambara Yuras min woragwi sa irit laiga-o.

YIDNAK YIDNAK WENE 20:32

Nde, yawo-ge an-e Mbal Pem Nagawan min at-nen we wok ondoso wene min inggem kegera kunpusu-o. At-nen-e tugup lak tak konposolat, marak inpidnak nap pidsa enmanggim lud tak pidnak imining angge iri-ge it inmin lambuksa wok kondosolat kwarurag-e ndak-nen yusu-o.

YIDNAK YIDNAK WENE 27:23

Nde, yawo kubu-ge an-e at arengge nggal luk, an-nen erembel wanoso Mbal Pem Nagawan-nen idnak aid nap an neralu men luk-nen

OROMA 1:1

Kerisut Yesus ndegel oboso nap Paulus an-nen engga yu mbarusu-o. Mbal Pem Nagawan-nen aid wene ap yak indil nurak pem wene mbo nuburuk, an-e wirik nibidnak nap tak nuburak pem len nibid nap-nen yusu-o.

OROMA 1:6

Kit Oroma nap na it inmin Yesus Kerisut ilirak tobokluk, wene mbo kinpid irir-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

OROMA 6:22

Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

OROMA 9:24

Nde, at-nen yonggo ninpid iri-ge Yawuri nap ennggendumu nak-nen-e lag-o. Enlem nin nap ennggendumu-nen na yonggo-t ninpij-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

1 TESALONIKA 2:12

Mbal Pem Nagawan-nen tenagaidnak wi min at unu kek tak pidnak min at totno wanobok-nen wene mbo kinpid Mbal Pem Nagawan na alen tak pobokluk-nen nit-nen-e nggomo kondogolat, keneyak marogolat, kiri keresa yak kondogolat yige-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 4:18

Nagawan Indo-nen-e an meya rak nuburak mende pidsa inggem-nen ming nuburuk, an nimiri yosolug-e, at-nen tenagaidnak wi aid arem iri me nibil ngguwa-o. At unu kek tak pem-et woralik nalik irit wolmag-o. Amen.

IBERANI 3:1

Kerisut ebem mbek tak kinpidnak nanggamirak kit na aid arem woraso Mbal Pem Nagawan-nen wene mbo kinpidnak nap wa-e. Yesus na kwara kinndi-n yebet ker-o. Nit wanuruk ebem ninndi angin tubu luk wanige wene na bem Yesus-e Tepan Ombo Kek tak wolmakluk Mbal Pem Nagawan-nen wirik ibil mbuwagaid nap-nen yusu-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.